ವಿಟ್ಲ : ವಾರಣಾಶಿ ಫಾರ್ಮ್ಸ್ ಅಡ್ಯನಡ್ಕ, ಪುತ್ತೂರು ಆಕ್ವೆಟಿಕ್ ಕ್ಲಬ್, ಎಚ್ ಸಿ ಸ್ವಿಮ್ಮಿಂಗ್ ಕ್ಲಬ್ ಟಾಸ್ಮೇನಿಯಾ ಆಸ್ಟ್ರೇಲಿಯಾ ಇದರ ಜಂಟಿ ಆಶ್ರಯದಲ್ಲಿ ಎ.17 ರಿಂದ 28ರವರೆಗೆ ಏಳು ಮಂದಿ ಆಸ್ಟ್ರೇಲಿಯಾದ ಟೀಮ್, 5 ಅಂತರ್ರಾಷ್ಟ್ರೀಯ ಈಜುಗಾರರು ಕ್ರೀಡೆ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಕ್ಕೆ ಅಡ್ಯನಡ್ಕದ ವಾರಣಾಶಿ ಫಾರ್ಮ್ಸ್ ಗೆ ಆಗಮಿಸಿದ್ದು, ಪುತ್ತೂರಿನ ಬಾಲವನ ಈಜುಕೊಳದ ಆಕ್ವೆಟಿಕ್ ಕ್ಲಬ್ ನ ಸದಸ್ಯರೊಂದಿಗೆ ತರಬೇತಿ ಪಡೆಯುತ್ತಿದ್ದಾರೆ.
ಎಕ್ಸ್ ಸಿ ಸ್ವಿಮ್ಮಿಂಗ್ ಕ್ಲಬ್ ಆಸ್ಟ್ರೇಲಿಯಾ ಟಾಸ್ಮೇನಿಯಾದಲ್ಲಿ ತರಬೇತಿದಾರರಾಗಿ ಕಾರ್ಯ ನಿರ್ವಹಿಸುತ್ತಿರುವ ನಿರೂಪ್ ಜಿ.ಆರ್. ರವರು ಹಾಗೆಯೇ ಅಂತರ್ರಾಷ್ಟ್ರೀಯ ಈಜು ತರಬೇತುದಾರ ಪಾರ್ಥ ವಾರಣಾಶಿ, ರೋಹಿತ್, ಆಭರಣ, ಸಾಯಿಕಿರಣ್ ರವರು ತರಬೇತಿ ನೀಡುತ್ತಿದ್ದಾರೆ.
ಎ.23 ರಂದು ಸಂಜೆ 4 ರಿಂದ 8.30ವರೆಗೆ ಪ್ರಥಮ ಬಾರಿಗೆ ಭಾರತದಲ್ಲಿ ಕರ್ನಾಟಕ ರಾಜ್ಯ ಮತ್ತು ಆಸ್ಟ್ರೇಲಿಯಾದ ತಾಜ್ ಮೇನಿಯ ರಾಜ್ಯದ ಸ್ನೇಹ ಈಜುಕೂಟ ನಡೆಯಲಿದೆ.
ಈ ಸ್ಪರ್ಧೆಗೆ ಸುಮಾರು 50ಕ್ಕೂ ಹೆಚ್ಚು ಸ್ಪರ್ಧಿಗಳು ಭಾಗವಹಿಸಲಿದ್ದು, ಎರಡು ದೇಶಗಳ ಎರಡು ರಾಜ್ಯಗಳ ನಡುವೆ ಪರಸ್ಪರ ಸ್ನೇಹ ಸೌಹಾರ್ದತೆಯನ್ನು ಹೆಚ್ಚಿಸಲಿದೆ.
ಇದರಿಂದಾಗಿ ಪುತ್ತೂರು ಹಾಗೂ ಅಡ್ಯನಡ್ಕದ ಮಕ್ಕಳಿಗೆ ಆಸ್ಟ್ರೇಲಿಯಾದ ತಾಜ್ ಮೇನಿಯ ತಂಗಿ ತರಬೇತಿ ಪಡೆಯುವ ಯೋಜನೆಯನ್ನು ರೂಪಿಸುತ್ತಿದ್ದು, 2024-25ರೊಳಗೆ ಈ ಕಾರ್ಯಕ್ರಮ ನಡೆಯಲಿದೆ.
ಡ್ಯಾನಿಯಲ್ ಸಿಲಾಕ್, ಲಾರ, ಕ್ರಿಸ್, ಜೇಸಿಕಾ ಸ್ನೇಹ ಈಜುಕೂಟದಲ್ಲಿ ಭಾಗವಹಿಸಿಲಿದ್ದಾರೆ. ಅವರೊಂದಿಗೆ ತಾಜ್ ಮೇನಿಯ ರಾಜ್ಯದ ಎಚ್ ಸಿ ಸ್ವಿಮ್ಮಿಂಗ್ ಕ್ಲಬ್ ಕಾರ್ಯದರ್ಶಿ ತಾನಿಯಾ ಹಾಗೂ ಎಚ್ ಸಿ ಸ್ವಿಮ್ಮಿಂಗ್ ಕ್ಲಬ್ ಅಧ್ಯಕ್ಷ ಜೇನ್ ಎಂಬವರು ಆಗಮಿಸಿದ್ದು, ಅವರು ಸ್ಪರ್ಧೆಯಲ್ಲಿ ಭಾಗವಹಿಸಲಿದ್ದಾರೆ.
