ಮಂಗಳೂರು: ಎರಡು ಪ್ರತ್ಯೇಕ ಪ್ರಕರಣಗಳಲ್ಲಿ ಡೆಬಿಟ್ ಕಾರ್ಡ್ ವಿವರ ಪಡೆದು ಅವರ ಖಾತೆಯಿಂದ 2.43 ಲಕ್ಷ ರೂ. ವಂಚಿಸಿರುವ ಬಗ್ಗೆ ಮಂಗಳೂರಿನ ಸೈಬರ್ ಕ್ರೈಂ ಪೊಲೀಸ್ ಠಾಣೆಯಲ್ಲಿ ಪ್ರಕರಣಗಳು ದಾಖಲಾಗಿದೆ.
ಮಂಗಳೂರಿನ ಗಾಂಧಿನಗರದಲ್ಲಿ ಕೆನರಾ ಬ್ಯಾಂಕ್ ಶಾಖೆಯಲ್ಲಿ ಜಂಟಿ ಉಳಿತಾಯ ಖಾತೆಯನ್ನು ಹೊಂದಿದ್ದರು.
ಸೆ. 15, 2021 ರಂದು ಸಂಜೆ ಗ್ರಾಹಕನಿಗೆ ತನ್ನನ್ನು ಬ್ಯಾಂಕ್ ಉದ್ಯೋಗಿ ಎಂದು ಪರಿಚಯಿಸಿಕೊಂಡು ಕೆನರಾ ಬ್ಯಾಂಕ್ ಖಾತೆಯ ಡೆಬಿಟ್ ಕಾರ್ಡ್ ಡಿ-ಆಕ್ಟಿವೇಟ್ ಆಗಿದೆ ಅದನ್ನು ಪುನಃ ಆಕ್ಟೀವೇಟ್ ಮಾಡಲು ಕಾರ್ಡ್ನ ಸಂಖ್ಯೆ ಮತ್ತು ಸಿಸಿವಿ ನಂಬರ್ ಅನ್ನು ಕೇಳಿದ್ದಾನೆ, ಅದರಂತೆ ಗ್ರಾಹಕ ವಿವರಗಳನ್ನು ಒದಗಿಸಿದ ನಂತರ ಖಾತೆಯಿಂದ ಎರಡು ಹಂತಗಳಲ್ಲಿ ಒಟ್ಟು 51,150 ರೂ ವಂಚನೆಯಾಗಿರುವುದು ತಿಳಿದಿದೆ ಎಂದು ಸೈಬರ್ ಕ್ರೈಂ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ.
ಎರಡನೆ ಪ್ರಕರಣದಲ್ಲಿ, ನಗರದ ಆಕ್ಸಿಸ್ ಬ್ಯಾಂಕ್ನಲ್ಲಿ ಖಾತೆ ಹೊಂದಿರುವ ವ್ಯಕ್ತಿಯೋರ್ವರು ಅದೇ ಬ್ಯಾಂಕ್ನ ಎರಡು ಕ್ರೆಡಿಟ್ ಕಾರ್ಡ್ ಹೊಂದಿದ್ದಾರೆ, ಅದರಲ್ಲಿ ಒಂದು ಕ್ರೆಡಿಟ್ ಕಾರ್ಡ್ನ್ನು ಬ್ಲಾಕ್ ಮಾಡಲು ಗೂಗಲ್ನಿಂದ ಆಕ್ಸಿಸ್ ಬ್ಯಾಂಕ್ನ ಗ್ರಾಹಕ ಸೇವಾ ಕೇಂದ್ರದ ನಂಬರ್ ಅನ್ನು ತೆಗೆದುಕೊಂಡು ಕರೆ ಮಾಡಿದ್ದಾರೆ.
ಈ ಸಂದರ್ಭದಲ್ಲಿ ಕರೆ ಸ್ವಿಕರಿಸಿದ ವ್ಯಕ್ತಿ SLICE ಆ್ಯಪ್ನ್ನು ಡೌನ್ ಲೋಡ್ ಮಾಡಲು ಹೇಳಿದ್ದರು ಎಂದು ವರದಿಯಲ್ಲಿ ತಿಳಿಸಿದ್ದಾರೆ.
ಅದರಂತೆ ಆ್ಯಪ್ ಡೌನ್ ಲೋಡ್ ಮಾಡಿದ ಬಳಿಕ ಆ ವ್ಯಕ್ತಿ ವ್ಯಕ್ತಿಯು ಡೆಬಿಟ್ ಕಾರ್ಡ್ ಸಂಖ್ಯೆ, ಕ್ರೆಡಿಟ್ ಕಾರ್ಡ್ ಸಂಖ್ಯೆ, ಪಿನ್ ಇತ್ಯಾದಿಗಳನ್ನು ಫೀಲ್ ಮಾಡಲು ತಿಳಿಸಿದ್ದ, ಕಾರ್ಡ್ ವಿವರಗಳನ್ನು ಹಾಕಿದ ಮೇಲೆ ಡೆಬಿಟ್ ಕಾರ್ಡ್ನಿಂದ ಐದು ಬಾರಿ ತಲಾ 5,025 ರೂಯಂತೆ 25,125ರೂ ಹಾಗೂ ಕ್ರೆಡಿಟ್ ಕಾರ್ಡ್ನಿಂದ ಹಲವು ಹಂತಗಳಿಂದ 1,92,655 ಲಕ್ಷ ರೂಗಳನ್ನು ವರ್ಗಾಯಿಸಿಕೊಂಡು ಮೋಸ ಮಾಡಿರುವ ಬಗ್ಗೆ ದೂರು ನೀಡಿದ್ದಾರೆ.
