ವಿಟ್ಲ ಪೆರುವಾಯಿ ಮೂಲದವರಾದ ಪ್ರಸ್ತುತ ಬೆಂಗಳೂರಿನಲ್ಲಿ ಪ್ರಾಂಶುಪಾಲರಾಗಿ ಕಾರ್ಯ ನಿರ್ವಹಿಸುತ್ತಿರುವ ಡಾ. ಮಧುಸೂದನ ಸುಣ್ಣಂಬಳ ರವರಿಗೆ ಮನಃಶಾಸ್ತ್ರದಲ್ಲಿ Sorbon French University ಪಿಎಚ್ ಡಿ ಪದವಿ ಪ್ರದಾನ ಮಾಡಿ ಗೌರವಿಸಿದೆ.
ಡಾ. ಮಧುಸೂದನ ಸುಣ್ಣಂಬಳ ರವರು 22 ವರ್ಷಗಳಿಂದ ಮನಃಶಾಸ್ತ್ರದಲ್ಲಿ ವಿದ್ಯಾರ್ಥಿಗಳಿಗೆ ಪಾಠ ಮಾಡುತ್ತಿದ್ದು, ಹಾಗೂ ಕೌನ್ಸಿಲಿಂಗ್ (ಆಪ್ತ ಸಲಹೆ) ಅನ್ನು ನಡೆಸುತ್ತಿದ್ದಾರೆ.
ಇವರು ವಿಟ್ಲ ಪೆರುವಾಯಿ ಟಚ್ಚಮೆ ಸುಣ್ಣಂಬಳ ನಿವಾಸಿ ಬಾಲಕೃಷ್ಣ ಮಣಿಯಾಣಿ ಹಾಗೂ ಕಲ್ಯಾಣಿ ರವರ ಪುತ್ರರಾಗಿದ್ದು, ತಮ್ಮ ವಿದ್ಯಾಭ್ಯಾಸವನ್ನು ಅಳಿಕೆ ಹಾಗೂ ಉಜಿರೆ ಎಸ್.ಡಿ. ಎಂ ಕಾಲೇಜಿನಲ್ಲಿ ಪದವಿ ಹಾಗೂ ಮನಃಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿಯನ್ನು ಪಡೆದಿರುತ್ತಾರೆ.
ಮಣಿಪಾಲ ಯೂನಿವರ್ಸಿಟಿಯಲ್ಲಿ 8 ವರ್ಷಗಳ ಕಾಲ ಕಾರ್ಯ ನಿರ್ವಹಿಸಿದ್ದು, ನಂತರ ಶ್ರೀಲಂಕಾದ ಕೊಲಂಬಾದ ಕಾಲೇಜಿನಲ್ಲಿ ವಿದ್ಯಾರ್ಥಿಗಳಿಗೆ 4 ವರ್ಷಗಳ ಕಾಲ ಮನಃಶಾಸ್ತ್ರ ಭೋದನೆ ಮಾಡಿದ್ದು, ಬೆಂಗಳೂರಿನ ಇಂಡಸ್ ಇಂಟರ್ನ್ಯಾಷನಲ್ ಸ್ಕೂಲ್ ನಲ್ಲಿ 11 ವರ್ಷಗಳ ಕಾಲ ಪ್ರಾಂಶುಪಾಲರಾಗಿ ಹಾಗೂ ಪ್ರಸ್ತುತ ಬಿ.ಜಿ. ಎಸ್ (ಬಾಲ ಗಂಗಾಧರನಾಥ ಸ್ವಾಮಿ ) ಇಂಟರ್ನ್ಯಾಷನಲ್ ಸ್ಕೂಲ್ ನಲ್ಲಿ 1 ವರುಷದಿಂದ ಪ್ರಾಂಶುಪಾಲರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
ಡಾ. ಮಧುಸೂದನ ಸುಣ್ಣಂಬಳ ರವರು ಪತ್ನಿ, ಮಗಳೊಂದಿಗೆ ಬೆಂಗಳೂರಿನಲ್ಲಿ ವಾಸ್ತವ್ಯ ಹೊಂದಿದ್ದು, ಅವರ ಪತ್ನಿ ಧನ್ಯ ರವರು ಕೂಡ ಮನಃಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಮಾಡಿದ್ದು, ಪ್ರಸ್ತುತ ಉಪನ್ಯಾಸಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
ಇವರ ಸತತ 22 ವರುಷಗಳ ಸೇವೆಯನ್ನು ಗುರುತಿಸಿ Sorbon French University ಪಿಎಚ್ ಡಿ ಪದವಿ ನೀಡಿ ಗೌರವಿಸಿದೆ..
