ಪುತ್ತೂರು: ರೋಟರಿ ಕ್ಲಬ್ ಪುತ್ತೂರು ಯುವ ಮತ್ತು ಇನ್ನರ್ ವೀಲ್ ಕ್ಲಬ್ ಪುತ್ತೂರು ಆಶ್ರಯದಲ್ಲಿ ಮಕ್ಕಳ ದಿನಾಚರಣೆ ಮತ್ತು ದೀಪಾವಳಿ ಆಚರಣೆಯು ಪುತ್ತೂರಿನ ರೋಟರಿ ಮನೀಷಾ ಹಾಲಿನಲ್ಲಿ ನಡೆಯಿತು.
ದೀಪಾವಳಿ ಹಬ್ಬದ ಮಹತ್ವದ ಬಗ್ಗೆ ಪುತ್ತೂರಿನ ವಿವೇಕಾನಂದ ಬಿ ಎಡ್ ಕಾಲೇಜಿನ ಉಪನ್ಯಾಸಕಿ ಶ್ರೀಮತಿ ಡಾ.ಶೋಭಿತಾ ಸತೀಶ್ ಮಾತನಾಡಿದರು.
ಈ ವೇಳೆ ವಿಶೇಷ ಆಕರ್ಷಣೆ ಎಂಬ0ತೆ ಕನ್ನಡ ಕೋಗಿಲೆ ಗಾಯಕಿ ಕು ಅಪೇಕ್ಷಾ ಪೈ ಅವರಿಂದ ನವಿರಾದ ಗಾಯನ ಮೂಡಿಬಂತು.ಚೆಲುವಿನ ಮೊಗದ ಸುಂದರ ಹೆಂಗಳೆಯರಿಗಾಗಿ ರ‍್ಯಾಂಪ್ ವಾಕ್ , ದೇಶ ಪ್ರೇಮದ ಭಕ್ತಿ ಬೆಸುಗೆಯ ದೇಶಭಕ್ತಿಗೇತಾ ಸ್ಪರ್ದಾ ವಿಜೇತರಿಗೆ ಬಹುಮಾನವನ್ನೂ ವಿತರಿಸಲಾಯಿತು. ಮತ್ತೊಂದು ವಿಶೇಷತೆ ಎಂಬ0ತೆ ಹಬ್ಬದ ಸೊಗಡಿಗೆ ಪುಷ್ಟಿ ನೀಡಲು ಕ್ಲಬ್ ಸದಸ್ಯರಲ್ಲಿ ಅತ್ಯುತ್ತಮವಾದ ಸಾಂಪ್ರದಾಯಿಕ ಉಡುಗೆಯಲ್ಲಿ ಬಂದ ಮಹಿಳೆಯರು ಹಾಗೂ ಪುರುಷರಿಗೆ ವಿಶೇಷ ಬಹುಮಾನವನ್ನೂ ಕೂಡಾ ನೀಡಲಾಯಿತು.ಈ ವೇಳೆ ರೋಟರಿ ಕ್ಲಬ್ ಪುತ್ತೂರು ಯುವ ಅಧ್ಯಕ್ಷ ರೊ. ಡಾ. ಹರ್ಷ ಕುಮಾರ್ ರೈ, ಪುತ್ತೂರು ಇನ್ನರ್ ವೀಲ್ ಕ್ಲಬ್ ಅಧ್ಯಕ್ಷೆ ಶ್ರೀ ಸೀಮಾ ನಾಗರಾಜ್, ರೋಟರಿ ಕ್ಲಬ್ ಪುತ್ತೂರು ಯುವ ಕಾರ್ಯದರ್ಶಿ ರೊ ಪಿಎಚೆಫ್ ಉಮೇಶ್ ನಾಯಕ್, ಇನ್ನರ್ ವೀಲ್ ಕ್ಲಬ್ ಪುತ್ತೂರು ಕಾರ್ಯದರ್ಶಿ ರೊ ಅಶ್ವಿನಿ ಕೃಷ್ಣ ಮುಳಿಯ, ಕಾರ್ಯಕ್ರಮ ಸಂಯೋಜಕರಾದ ರೊ.ರಾಜೇಶ್ವರಿ ಆಚಾರ್ ಮತ್ತಿತರರು ಉಪಸ್ಥಿತರಿದ್ದರು.
