ಪುತ್ತೂರು : 2024ನೇ ದ.ಕನ್ನಡ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿಗೆ ವಿದ್ಯಾಶ್ರೀ ಫ್ರೆಂಡ್ಸ್ ಚಾರಿಟೇಬಲ್ ಟ್ರಸ್ಟ್(ರಿ.) ಆರ್ಲಪದವು, ಪಾಣಾಜೆ ಆಯ್ಕೆಗೊಂಡಿದೆ.
ವಿದ್ಯಾಶ್ರೀ ಫ್ರೆಂಡ್ಸ್ ಚಾರಿಟೇಬಲ್ ಟ್ರಸ್ಟ್ ಆರ್ಲಪದವು ಪಾಣಾಜೆ ಪುತ್ತೂರು ಈ ಸಂಘವು ವಿದ್ಯಾಶ್ರೀ ಆರ್ಟ್ಸ್ & ಸ್ಪೋಟ್ಸ್ ಕ್ಲಬ್ ಎಂಬ ಹೆಸರಿನೊಂದಿಗೆ 2003 ಇಸವಿಯಲ್ಲಿ ಸ್ಥಾಪನೆಗೊಂಡು ಕ್ರೀಡಾಕೂಟ, ಧಾರ್ಮಿಕ ಕಾರ್ಯಕ್ರಮಗಳನ್ನು ಸುಮಾರು 13ವರ್ಷಗಳ ಕಾಲ ನಡೆಸಿಕೊಂಡು ಬಂದಿರುತ್ತದೆ. ತದನಂತರ 2013ರಲ್ಲಿ ‘ಸುಜ್ಞಾನ-ಸೇವಾ-ಪ್ರಣತಿ’ ಎಂಬ ಧ್ಯೇಯ ವಾಕ್ಯದೊಂದಿಗೆ ಶ್ರೀಪ್ರಸಾದ್ ಪಾಣಾಜೆ ಇವರ ಸಂಚಾಲಕತ್ವದಲ್ಲಿ ಚಂದ್ರ ಎ.ಬಿ. ಇವರ ಅಧ್ಯಕ್ಷತೆಯಲ್ಲಿ ಸರಕಾರದಿಂದ ನೊಂದಾವಣೆಗೊಂಡು ವಿದ್ಯಾಶ್ರೀ ಫ್ರೆಂಡ್ಸ್ ಚಾರಿಟೇಬಲ್ ಟ್ರಸ್ಟ್ (ರಿ.) ಆಗಿ ಪರಿವರ್ತನೆಗೊಂಡು ಸಮಾಜಮುಖಿ ಕೆಲಸಗಳಲ್ಲಿ ಮುಂದಡಿಯಿಟ್ಟಿದ್ದು, ಆರಂಭದಲ್ಲಿ ವನಮಹೋತ್ಸವ, ವಿದ್ಯಾರ್ಥಿ ವೇತನ, ಅಶಕ್ತರಿಗೆ ಕಿಟ್ ವಿತರಣೆ, ಅನೇಕ ಸಮಾಜಮುಖಿ ಕಾರ್ಯಗಳನ್ನು ಮಾಡುತ್ತಿದೆ.
ಪ್ರಕೃತಿ ಪರಿಸರ ಉಳಿವಿಗಾಗಿ ಸೇವೆಯನ್ನು ಗುರುತಿಸಿ ಪ್ರತಿಷ್ಟಿತ ದ.ಕ ಜಿಲ್ಲಾ ‘ಅರಣ್ಯ ಮಿತ್ರ’ ಪ್ರಶಸ್ತಿ. ಗಡಿನಾಡಿಗಾಗಿ ಸಲ್ಲಿಸಿದ ಸೇವೆಯನ್ನು ಗುರುತಿಸಿ ‘ಗಡಿನಾಡ ಧ್ವನಿ ರಾಜ್ಯ ಪ್ರಶಸ್ತಿ’ ಈಗಾಗಲೇ ಸಿಕ್ಕಿರುತ್ತದೆ.
