ಕೆಲವು ದಿನಗಳ ಹಿಂದೆ ಎಣ್ಣೂರಿನ ಶಾಲೆಯಲ್ಲಿ ಪಂಚ ಆವಳಿಗಳಿರುವ ಸುದ್ದಿ ಸದ್ದು ಮಾಡಿತ್ತು. ಈಗ ಈಶ್ವರಮಂಗಲದ ಶ್ರೀ ಗಜಾನನ ಆಂಗ್ಲ ಮಾಧ್ಯಮ ಶಾಲೆಯ ಅವಳಿಗಳ ಕಥೆ ವಿಶೇಷವೆಂದರೆ ಎಣ್ಣೂರು ಮತ್ತು ಈ ಶಾಲೆ ಇರುವ ಊರು ಎರದಕ್ಕೂ ತುಳುನಾಡಿನ ಅವಳಿ ವೀರರಾದ ಕೋಟಿ-ಚೆನ್ನಯ್ಯರ ನಂಟಿದೆ!
ಅವಳಿವೀರರ ಗ್ರಾಮ..!
ಕೋಟಿ-ಚೆನ್ನಯ ಅವರ ಹುಟ್ಟೂರಿನ ನೆಲೆಗಳು, ಅವರು ಇರುವಿಕೆಯ ಕುರುಹುಗಳು ಹರಡಿಕೊಂಡಿರುವ ಪಡವನ್ನೂರು – ಬಡಗನ್ನೂರು ಗ್ರಾಮಗಳಲ್ಲಿ ಒಂದಾಗಿರುವ ಪಡವನ್ನೂರು ಗ್ರಾಮದಲ್ಲಿ ಈ ಶಾಲೆ ಇದೆ. ಪಡವನ್ನೂರು, ಬಡಗನ್ನೂರು ಕೋಟಿ ಚೆನ್ನಯರ ಹುಟ್ಟೂರು. ಇವರ ಜನ್ಮದಾತೆ ದೇಯಿ ಬೈದೇತಿಯ
ಸಮಾಧಿ ಇರುವ ಪುಣ್ಯ ಭೂಮಿ. ಈ ಕಾರಣಿಕ ಶಕ್ತಿಗಳು ನಡೆದಾಡಿದ ಹಲವು ಐತಿಹ್ಯಗಳು ಇಲ್ಲಿ ಈಗಲೂ ಇವೆ. ಕೋಟಿ ಚೆನ್ನಯ ಜನ್ಮಸ್ಥಳ, ಗೆಜ್ಜೆಗಿರಿ ಮೂಲಸ್ಥಾನಗಳು ಈ ಗ್ರಾಮದಲ್ಲಿ ಇವೆ.
ಹೇಗಿದ್ದಾರೆ ಇಲ್ಲಿನ ಅವಳಿಗಳು?
ಈಶ್ವರ ಮಂಗಲ ಶಾಲೆಯಲ್ಲಿರುವ ಎಂಟು ಅವಳಿ ಗಳಲ್ಲಿ 3 ಜೋಡಿಗಳು ಹುಡುಗರಾಗಿದ್ದರೆ, ಇನ್ನು ಅವಳಿ ಹುಡುಗಿಯರು ಎರಡು ಜೋಡಿಗಳು ಹುಡುಗ ಮತ್ತು ಹುಡುಗಿ, ಹೀಗೆ 3 ವಿಭಾಗದಲ್ಲಿಯು ಇರುವ ಈ ಪುಟಾಣಿಗಳ ಪೈಕಿ 2 ಜೋಡಿಗಳು ಒಂದೇ ತರಗತಿಯ ಸಹಪಾಠಿಗಳು ಉಳಿದವರು ಬೇರೆ ತರಗತಿಯವರು.
- 1.ಚರಿತ್ ರೈ ಮತ್ತು ಚಾರ್ವಿಕ್ ರೈ – ಪ್ರಿ ಕೆಜಿ ( ಸನತ್ ಕುಮಾರ್ ರೈ ಎಂ ಹಾಗೂ ಹರ್ಷಿತಾ ರೈ)
- .ಚತುಷ್ಕ್ .ಎಮ್. ಕೆ ಮತ್ತು ಚರಿಷ್ಮ ಎಮ್ ಕೆ – ಎಲ್ ಕೆ ಜಿ ( ಮನೋಜ್ ಕುಮಾರ್ ಕೆ ಮತ್ತು ಪೂಜಿತ ಎಂ ವಿ)
- ಯಶಸ್ ಡಿ ಆರ್ ಹಾಗೂ ಶ್ರೇಯಸ್ ಡಿ ಆರ್ – 1ನೇ ತರಗತಿ (ರಾಜೇಶ್ ಡಿ ಬಿ ಮತ್ತು ಸುಹಾಸಿನಿ ಎನ್)
- ವಂಶಿಕ.ಎ ಮತ್ತು ವಿಶ್ಮಿಕ.ಎ- 2ನೇ ತರಗತಿ (ಆನಂದ ನಾಯ್ಕ್ ಎ ಮತ್ತು ಪ್ರಮೀಳಾ ಕೆ ಆರ್)
- ಆಸಿಯತ್ ಶಫಾನ ಮತ್ತು ಮರಿಯಂ ಶಿಫಾನ – 3ನೇ ತರಗತಿ (ಕೆ ವಿ ಹೈದರಾಲಿ ಮತ್ತು ಆಯುಷತ್ ಸುಮಿಯ)
- ಅನ್ವಿತ್ ಶೆಟ್ಟಿ ಮತ್ತು ಅಂಕಿತ್ ಶೆಟ್ಟಿ- 5ನೇ ತರಗತಿ (ಉದಯ ಶೆಟ್ಟಿ ಮತ್ತು ರೂಪ)
- ನವ್ಯ ಬಿ ಮತ್ತು ನಿತಿನ್ ಬಿ- 5ನೇ ತರಗತಿ (ಸುದೇಶ ಮತ್ತು ಪ್ರಫುಲ್ಲ)
- ಸಾನ್ವಿ ಎಮ್ ಪಿ ಮತ್ತು ಶ್ರಾವ್ಯ ಎಮ್ ಪಿ -8 ತರಗತಿ (ಮನಮೋಹನ ಎಮ್ ಮತ್ತು ಪುಷ್ಪವತಿ ಟಿ)
