ಸೂರ್ಯಕುಮಾರ್ ಯಾದವ್, ಕನ್ನಡತಿ ಶ್ರೇಯಾಂಕ ಪಾಟೀಲ್ ಮಾಡಿರೋ ಒಂದು ರೀಲ್ಸ್ ಸದ್ಯ ಸಖತ್ ಟ್ರೆಂಡ್ ಸೃಷ್ಟಿಸಿದೆ. ಇವರಿಬ್ಬರು ಮಾತ್ರವಲ್ಲ, ಈ ಔರಾ ಫಾರ್ಮಿಂಗ್ ಟ್ರೆಂಡ್ಗೆ ಕ್ರೀಡಾಲೋಕ ಸರೆಂಡರ್ ಆಗಿಬಿಟ್ಟಿದೆ. ಅಷ್ಟಕ್ಕೂ ಈ ಔರಾ ಫಾರ್ಮಿಂಗ್ ಟ್ರೇಂಡ್ ಅಂದರೇನು? ಇದು ಹುಟ್ಟಿದ್ದು ಹೇಗೆ?.
ಇದು ಸೋಷಿಯಲ್ ಮೀಡಿಯಾ ದುನಿಯಾ. ಮೀಮ್ಸ್, ಟ್ರೋಲ್, ರೀಲ್ಸ್ ಇವುಗಳದ್ದೇ ಕಾರು ಬಾರು. ಇವುಗಳದ್ದೇ ದರ್ಬಾರ್. ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಔರಾ ಫಾರ್ಮಿಂಗ್ ರೀಲ್ಸ್ ಸಖತ್ ಟ್ರೆಂಡ್ ಸೃಷ್ಟಿಸಿದೆ. ಫಾರ್ಮುಲಾ ಒನ್ ರೇಸ್, ಫುಟ್ಬಾಲ್, ಕ್ರಿಕೆಟ್.. ಎಲ್ಲಾ ಲೋಕಗಳು ಈ ಔರಾ ಫಾರ್ಮಿಂಗ್ ಟ್ರೆಂಡ್ಗೆ ಕ್ಲೀನ್ಬೋಲ್ಡ್ ಆಗಿವೆ.
ಟೀಮ್ ಇಂಡಿಯಾ ಟಿ20 ಕ್ಯಾಪ್ಟನ್ ಸೂರ್ಯಕುಮಾರ್ ಯಾದವ್, ಟೀಮ್ ಇಂಡಿಯಾ ಆಟಗಾರ್ತಿ ಕನ್ನಡತಿ ಶ್ರೇಯಾಂಕ ಪಾಟೀಲ್ ಬೆಂಗಳೂರಿನ ಎನ್ಸಿಎನಲ್ಲಿದ್ದಾರೆ. ಇಂಜುರಿಯಿಂದ ಚೇತರಿಸಿಕೊಳ್ತಿರೋ ಇಬ್ಬರೂ ರಿಹ್ಯಾಬ್ಗೆ ಒಳಗಾಗಿದ್ದಾರೆ. ಇದ್ರ ನಡುವೆ ಬಿಡುವಿನ ವೇಳೆ ಒಂದು ರೀಲ್ಸ್ ಮಾಡಿದ್ದಾರೆ. ಆ ರೀಲ್ಸ್ ಇಂಟರ್ನೆಟ್ನಲ್ಲಿ ಧೂಳೆಬ್ಬಿಸಿದೆ. ರೀಲ್ಸ್ ನೋಡಿ ಸಖತ್ ವೈರಲ್ ಆಗಿರೋದು. ಇದ್ರಲ್ಲಿ, ಸೂರ್ಯಕುಮಾರ್, ಶ್ರೇಯಾಂಕ ಇದ್ದಾರೆ ಅನ್ನೋದು ಮ್ಯಾಟರ್ ಆಗಿಲ್ಲ. ಈ ರೀಲ್ಸ್ ಸಖತ್ ಸೌಂಡ್ ಮಾಡ್ತಿರೋದ್ರ ಹಿಂದಿರೋ ರೀಸನ್ ಔರಾ ಫಾರ್ಮಿಂಗ್ ಟ್ರೆಂಡ್.
ಆರ್ಸಿಬಿ ಮಾಜಿ ವೇಗಿ ವೇಯ್ನ್ ಪಾರ್ನೆಲ್ ಸದ್ಯ ಲೆಜೆಂಡ್ ಲೀಗ್ನಲ್ಲಿ ಸೌತ್ ಆಫ್ರಿಕಾ ಚಾಂಪಿಯನ್ಸ್ ಪರ ಆಡ್ತಿದ್ದಾರೆ. ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ರವಿ ಬೋಪಾರ ವಿಕೆಟ್ ಉರುಳಿಸಿದ ಪಾರ್ನೆಲ್ ಔರಾ ಫಾರ್ಮಿಂಗ್ ಸೆಲಬ್ರೇಷನ್ ಮಾಡಿದ್ದಾರೆ. ವೆಸ್ಟ್ ಇಂಡೀಸ್ ಆಲ್ರೌಂಡರ್ ಕಾರ್ಲಸ್ ಬ್ರಾಥ್ವೇಟ್ ಕೂಡ ಈ ಟ್ರೆಂಡ್ನ ಫಾಲೋ ಮಾಡಿದ್ದಾರೆ. ಇಂಟರ್ನ್ಯಾಷನಲ್ ಮಾತ್ರವಲ್ಲ.. ಲೋಕಲ್ ಕ್ಲಬ್ ಕ್ರಿಕೆಟರ್ಸ್ ಕೂಡ ಈ ಟ್ರೆಂಡ್ ಫಾಲೋ ಮಾಡಿದ್ದಾರೆ.
ಕ್ರಿಕೆಟ್ ಲೋಕ ಮಾತ್ರವಲ್ಲ.. ಫುಟ್ಬಾಲ್ ಆಟಗಾರರು, ಎಫ್ 1 ರೇಸರ್ಗಳು ಎಲ್ರೂ ಇದಕ್ಕೆ ಸರೆಂಡರ್ ಆಗಿದ್ದಾರೆ. ಅಮೇರಿಕಾದ ಫುಟ್ಬಾಲ್ ಆಟಗಾರ ಟ್ರಾವಿಸ್ ಕೆಲ್ಸ್, ಪ್ಯಾರೀಸ್ ಸೆಂಟ್ ಜರ್ಮನ್ ಫುಟ್ಬಾಲ್ ಟೀಮ್, ಎಫ್ 1 ಡ್ರೈವರ್ ಅಲೆಕ್ಸ್ ಅಲ್ಬನ್ ಸೇರಿದಂತೆ ಹಲವರು ಇದನ್ನ ರೀಕ್ರಿಯೇಟ್ ಮಾಡಿದ್ದಾರೆ.
ಇಷ್ಟೆಲ್ಲಾ ಟ್ರೆಂಡ್ ಸೃಷ್ಟಿಸಿರೋ ಈ ಔರಾ ಫಾರ್ಮಿಂಗ್ ಅಂದರೇನು.? ಇದು ಹುಟ್ಟಿದ್ದು ಹೇಗೆ.? ಎಂಬೆಲ್ಲಾ ಪ್ರಶ್ನೆಗಳು ನಿಮ್ಮಲ್ಲಿ ಇರಬಹುದು. ಅದಕ್ಕೆ ಉತ್ತರ ತಿಳಿದುಕೊಳ್ಳೋಕೆ ಮುನ್ನ ಇದ್ರ ಒರಿಜಿನಲ್ ವಿಡಿಯೋ ನೋಡ್ಬಿಡಿ. 5ನೇ ಕ್ಲಾಸ್ ಹುಡುಗನೇ ಟ್ರೆಂಡ್ನ ಸೃಷ್ಟಿಕರ್ತ.!
ಬಾಲಕನ ಹೆಸ್ರು ರಯಾನ್ ಅರ್ಕಾನ್ ಡಿಕಾ, ಇಂಡೋನೇಷ್ಯಾದವನು. ಈ ಇಂಡೋನೇಷ್ಯಾದ ಬೋಟ್ರೇಸ್ನಲ್ಲಿ ಬೋಟ್ ಮುಂದೆ ನಿಂತು ತನ್ನ ತಂಡವನ್ನ ಹುರಿದುದುಂಬಿಸೋದು ಈತನ ಕೆಲಸ. ಆ ಕೆಲಸವನ್ನ ಈ ಸ್ಪೆಷಲ್ ಸ್ಟೆಪ್ಸ್ನೊಂದಿಗೆ ರಯಾನ್ ಆರ್ಕಾನ್ ಮಾಡೋಕೆ ಶುರು ಮಾಡಿದ. ಈತನ ‘ಕೂಲ್ ಡಾನ್ಸ್’ ಹೊಸ ಟ್ರೆಂಡೇ ಸೃಷ್ಟಿಸಿಬಿಡ್ತು.
ಅಂದ್ಹಾಗೆ, ಈ ಔರಾ ಫಾರ್ಮಿಂಗ್ ಅಂದ್ರೆ, ತನಗೆ ಇಷ್ಟ ಬಂದಿದ್ದನ್ನ ಮಾಡೋದು, ಅದನ್ನ ಏಂಜಾಯ್ ಮಾಡೋದು ಅನ್ನೋ ಅರ್ಥ ಬರುತ್ತೆ. ಇಂಡೋನೇಷ್ಯಾದ ಆ ಚಿಕ್ಕ ಹುಡುಗ ತನಗಿಷ್ಟ ಬಂದಿದ್ದನ್ನ ಮಾಡಿದ. ಈಗ ಅದನ್ನ ಇಡೀ ಜಗತ್ತೇ ಇಷ್ಟಪಡ್ತಿದೆ.
