ಕೋಡಿಂಬಾಡಿ: ಕೋಡಿಂಬಾಡಿ,ಬೆಳ್ಳಿಪ್ಪಾಡಿ, ಚಿಕ್ಕಪಡ್ನೂರು, ದಾರಂದಕುಕ್ಕು, ಮಠಂತಬೆಟ್ಟು, ಶಾಂತಿನಗರ ಮುಂತಾದ ಪರಿಸರದಲ್ಲಿ ಸಾರ್ವಜನಿಕರು ಹಲವಾರು ಸಮಯದಿಂದ ಎದುರಿಸುತ್ತಿರುವ ಮೊಬೈಲ್ ನೆಟ್ವರ್ಕ್ ಸಮಸ್ಯೆಯನ್ನು ಪರಿಹರಿಸುವ ಸಲುವಾಗಿ ಏರ್ಟೆಲ್ ಮೊಬೈಲ್ ಕಂಪೆನಿಗೆ ಮನವಿಯನ್ನು ಸಲ್ಲಿಸಲಾಗಿದ್ದು, ಇದೀಗ ಝೋನಲ್ ಏರಿಯಾ ಮ್ಯಾನೇಜರ್ ಶರತ್ ರವರು ಭೇಟಿ ಪರಿಶೀಲನೆ ನಡೆಸಿದರು.
ಜು.23 ರಂದು ಅಸಿಸ್ಟೆಂಟ್ ಇಂಜಿನಿಯರ್ ಆಗಮಿಸಲಿದ್ದಾರೆ. ಸಂಜೆವರೆಗೂ ಕೋಡಿಂಬಾಡಿಯಲ್ಲೇ ಇರಲಿದ್ದಾರೆ. ಎಲ್ಲಿ ಎಲ್ಲಾ ನೆಟ್ವರ್ಕ್ ಸಮಸ್ಯೆ ಇದೆ ಅದನ್ನು ಪರಿಹರಿಸುತ್ತೇವೆ ಹಾಗೇ ನೆಟ್ ವರ್ಕ್ ಸಮಸ್ಯೆಗಳನ್ನು ಎದುರಿಸುತ್ತಿರುವವರು ಅವರ ಮೊಬೈಲ್ ಸಂಖ್ಯೆಗಳನ್ನು ನೀಡಿ ಸಮಸ್ಯೆಗಳನ್ನು ಬಗೆಹರಿಸುತ್ತೇವೆ ಎಂದಿದ್ದಾರೆ. ಎಲ್ಲಿ ಎಲ್ಲಾ ನೆಟ್ ವರ್ಕ್ ಸಮಸ್ಯೆಯ ಪ್ರದೇಶಗಳಿವೆ ಅವರನ್ನು ಅಲ್ಲಿಗೆ ಎಲ್ಲಾ ಸ್ಥಳೀಯರು ಕರೆದುಕೊಂಡು ಹೋಗಿ ತೋರಿಸಿದ್ದು ಅವುಗಳನ್ನು ಸರಿ ಪಡಿಸಿಕೊಡಲಾವುದು ಎಂದು ಭರವಸೆಯನ್ನು ನೀಡಿದರು.
ಈ ಸಂದರ್ಭದಲ್ಲಿ ಗ್ರಾಮ ಪಂಚಾಯತ್ ಸದಸ್ಯ ಜಯಪ್ರಕಾಶ್ ಬದಿನಾರು, ವಿಕ್ರಂ ಶೆಟ್ಟಿ ಅಂತರ, ಯೋಗೀಶ್ ಸಾಮಾನಿ,ಜಗದೀಶ್ ಕಜೆ, ವಿಜಯ್ ಚಿಮುಳ್ಳು ಹಾಗೂ ಮತ್ತಿತರರು ಉಪಸ್ಥಿತರಿದ್ದರು.
