ಪುತ್ತೂರಿನಲ್ಲೊಂದು ಸುಂದರವಾದ-ಸುಸಜ್ಜಿತವಾದ ರೆಸಾರ್ಟ್ ನಿರ್ಮಾಣವಾಗಬೇಕು, ಈ ಮೂಲಕ ಪುತ್ತೂರು ಮತ್ತಷ್ಟು ಹೊಸತನಕ್ಕೆ ಸ್ಮಾರ್ಟ್ ಆಗಿ ತೆರೆದುಕೊಳ್ಳಬೇಕು ಎನ್ನುವ ಕನಸು ಎಲ್ಲರಲ್ಲೂ ಇದೆ. ಆದರೆ ಇದೀಗ ಡಬಲ್ ಧಮಾಕ ಎಂಬಂತೆ ರುಚಿ ರುಚಿಯಾದ ಸ್ವಾದಮಯ ಆಹಾರ ತಿನಿಸುಗಳೂ ಸೇರಿರುವ ಹೋಟೆಲ್ ಜತೆಗೆ ಸುಸಜ್ಜಿತ ವಸತಿ ಗೃಹವೂ ಲೋಕಾರ್ಪಣೆಗೊಳ್ಳುತ್ತಿದೆ.ಇದುವೇ ಮಹಾವೀರ ವೆಂಚರ್ಸ್ ಹೋಟೆಲ್ ಮತ್ತು ರೆಸಾರ್ಟ್..ದಕ್ಷಿಣ ಕನ್ನಡ ಜಿಲ್ಲೆಯ ಪುತ್ತೂರಿನಲ್ಲಿ ಕರ್ನಾಟಕ ಪ್ರವಾಸೋದ್ಯಮ ಇಲಾಖೆಯಿಂದ ಮಾನ್ಯತೆ ಪಡೆದ ಸುಸಜ್ಜಿತ ವಸತಿ ಗೃಹ ಮಹಾವೀರ ವೆಂಚರ್ಸ್ ಹೋಟೆಲ್ ಮತ್ತು ರೆಸಾರ್ಟ್ ಜ. 14ರಂದು ಸಾಯಂಕಾಲ 6 ಗಂಟೆಗೆ ಸರಿಯಾಗಿ ಶುಭಾರಂಭಗೊಳ್ಳುತ್ತಿದೆ.
ಕರ್ನಾಟಕ ರಾಜ್ಯ ಕೋ ಆಪರೇಟಿವ್ ಮಾರ್ಕೆಟಿಂಗ್ ಮಹಾಮಂಡಲ ಹಾಗೂ ದ. ಕ. ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಅಧ್ಯಕ್ಷರಾದ ಡಾ. ಎಂ. ಎನ್. ರಾಜೇಂದ್ರ ಕುಮಾರ್ ಈ ನೂತನ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಿದ್ದು, ಪುತ್ತೂರು ವಿಧಾನಸಭಾ ಕ್ಷೇತ್ರ ಶಾಸಕ ಸಂಜೀವ ಮಠಂದೂರು ದೀಪ ಪ್ರಜ್ವಲಿಸುವ ಮೂಲಕ ಕಾರ್ಯಕ್ರಮಕ್ಕೆ ಶುಭ ಕೋರಲಿದ್ದಾರೆ. ಕಾರ್ಯಕ್ರಮದಲ್ಲಿ ಪುರಸಭೆ ಅಧ್ಯಕ್ಷರಾದ ಜೀವಂಧರ್ ಜೈನ್, ಕರ್ನಾಟಕ ರಾಜ್ಯ ಹಣಕಾಸು ನಿಗಮದ ಡಿವಿಜನಲ್ ಮ್ಯಾನೇಜರ್ ಎಂ. ಎ. ಮೂರ್ತಿ, ಸುದ್ದಿ ಬಿಡುಗಡೆಯ ಸಂಪಾದಕ ಡಾ. ಯು. ಪಿ. ಶಿವಾನಂದ, ಸೋಜಾ ಗ್ರೂಪಿನ ಗಿಲ್ಬರ್ಟ್ ಡಿಸೋಜ, ವ್ಯಾಪಾರೋದ್ಯಮಿ ರೊ. ಎಂ. ಜಿ. ರಫೀಕ್, ಕೆಎಸ್ಸಿಎಆರ್ ಡಿ ಜಿಲ್ಲಾ ನಿರ್ದೇಶಕರಾದ ರಾಜಶೇಖರ್ ಜೈನ್ ಯನ್, ಬಂಟರ ಮತ್ತು ನಾಡವರ ಸಂಘದ ಉಪಾಧ್ಯಕ್ಷ ಕಾವು ಹೇಮನಾಥ ಶೆಟ್ಟಿ, ದ. ಕ. ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ನಿರ್ದೇಶಕರಾದ ಶಶಿಕುಮಾರ್ ರೈ ಬಾಲ್ಯೊಟ್ಟು ಸೇರಿ ಮಾಲಕರಾದ ಡಾ. ಅಶೋಕ್ ಪಡಿವಾಳ್, ಡಾ.ರಾಜೇಶ್ವರಿ ಅಶೋಕ್ ಪಡಿವಾಳ್, ಅಜೇಯ ಪಡಿವಾಳ್ ಉಪಸ್ಥಿತರಿರಲಿದ್ದಾರೆ.
