ಕಡಬ,ಜ.24 : ಉಪ್ಪಿನಂಗಡಿ-ಸುಬ್ರಹ್ಮಣ್ಯ ರಾಜ್ಯ ಹೆದ್ದಾರಿಯ ಕಡಬ ಸಮೀಪದ ಕುಂತೂರು ಪದವು ಎಂಬಲ್ಲಿ ಕಾರು ಮತ್ತು ಜೀಪ್‌ಗಳ ಮಧ್ಯೆನಡೆದ ಭೀಕರ ಅಪಘಾತದಲ್ಲಿ ಓರ್ವ ಸ್ಥಳದಲ್ಲೇ ಮ್ರತಪಟ್ಟದ್ದು ನಾಲ್ವರು ಗಂಭೀರವಾಗಿ ಗಾಯಗೊಂಡ ಘಟನೆ ರವಿವಾರ ಸಂಜೆ ಸಂಭವಿಸಿದೆ.ಕುಟ್ರುಪ್ಪಾಡಿ ಗ್ರಾಮದ ಹೊಸಮಠ ಹಳ್ಳಿಂಗೇರಿ ನಿವಾಸಿ,ಪುತ್ತೂರಿನಲ್ಲಿ ಅಲ್ಯೂಮಿನಿಯಂ ಫ್ಯಾಬ್ರಿಕೇಶನ್ ಅಂಗಡಿ ನಡೆಸುತ್ತಿದ್ದ ನವೀನ್ ಮಾರ್ಟಿಸ್(30)ಮೃತಪಟ್ಟವರು.
ಅವರ ತಂದೆ ನಿಕೋಲಸ್ ಮಾರ್ಟಿಸ್(62), ತಾಯಿ ಸಿಸಿಲಿಯಾ ಲಸ್ರಾದೊ (55),ಪತ್ನಿ ಲವಿಟಾ ಲೋಬೋ(25),ತಂಗಿ ಸುಷ್ಮಾ ಮಾರ್ಟಿಸ್(25) ಗಂಭೀರವಾಗಿ ಗಾಯಗೊಂಡು ಮಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಮೂರು ತಿಂಗಳ ಹಿಂದಷ್ಟೇ ಮದುವೆಯಾಗಿದ್ದನವೀನ್ ಮಾರ್ಟಿಸ್ ಚಲಾಯಿಸುತ್ತಿದ್ದ ಕಾರಿನಲ್ಲಿ ಕುಟುಮಬ ಸಮೇತ ಬೆಳಗ್ಗೆ ಕಡಬದಿಂದ ಹೊರಟು ತನ್ನ ಪತ್ನಿಯ ಮನೆ ಕಾರ್ಕಳಕ್ಕೆ ಹೋಗಿಅತ್ತೂರು ಚರ್ಚ್ ಹಬ್ಬದಲ್ಲಿ ಭಾಗವಹಿಸಿ ವಾಪಸಾಗುತ್ತಿದ್ದ ಕುಂತೂರು ಪದವಿನಲ್ಲಿ ಕಡಬದ ಉಳಿಪ್ಪು ನಿವಾಸಿಗೆ ಸೇರಿದ ಬೊಲೆರೋ ವಾಹನದ ನಡುವೆ ಅಪಘಾತ ಸಂಭವಿಸಿದೆ.
ಬೊಲೆರೋ ವಾಹನದಲ್ಲಿದ್ದ ಐವರು ಸಣ್ಣಪುಟ್ಟ ಗಾಯಗಳೊಂದಿಗೆಅಪಾಯದಿoದ ಪಾರಾಗಿದ್ದಾರೆ. ಕಡಬ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
