ಮೊಬೈಲ್ ಕನಸುಗಳಿಗೆ ಮನಸಾಗುವಂತೆ ಇದೀಗ ಮತ್ತೊಂದು ಹೆಜ್ಜೆ ಮುಂದೆ ಸಾಗುತ್ತಿದೆ.. ಆಧುನಿಕತೆಯ ಸ್ಪರ್ಶಕ್ಕೆ ನವ ನವೀನ ಮಾದರಿಯ ಮೊಬೈಲ್ ಕೈಯೊಳಗೆ ನಲಿದಾಡಬೇಕು ಎಂದು ಇವತ್ತಿನ ಕಾಲಘಟ್ಟದ ಯುವ ಸಮೂಹ ಬಯಸುವುದು ಸರ್ವೇ ಸಾಮಾನ್ಯ. ಇದೇ ಯೋಚನೆಗೆ ಪುಷ್ಠಿ ನೀಡುವಂತೆ ಡೇ ಟು ಡೇ ಡಿಜಿಟಲ್ ವಿನೂತನ ದಾರಿಯನ್ನು ಮತ್ತೆ ಮಾಡಿಕೊಟ್ಟಿದೆ.
ಭಾರತದ ನಂಬರ್ ವನ್ ಸ್ಮಾರ್ಟ್ ಫೋನ್ ಬ್ರಾಂಡ್ ಆಗಿರುವ ಎಮ್ ಐ ಮೊಬೈಲ್ ಗಳ ಮಹಾಪೂರದ ಮಳಿಗೆ ಇದೀಗ ಪುತ್ತೂರಿನ ಕೆ ಎಸ್ ಆರ್ ಟಿ ಸಿ ಬಳಿಯ ಎ ಎಮ್ ಕಾಂಪ್ಲೆಕ್ಸ್ ನ ತಳ ಮಹಡಿಯ ಕ್ಸಿಯಾಮಿ ಎಮ್ ಐ ಎಕ್ಸ್ಕ್ಲೂಸಿವ್ ಸ್ಟೋರ್ ನಲ್ಲಿ ಶುಭಾರಂಭಗೊಂಡಿತು.
ಈಗಾಗಲೇ ಮಂಗಳೂರು,ಸುರತ್ಕಲ್, ಉಡುಪಿ, ಕುಂದಾಪುರ, ಬ್ರಹ್ಮಾವರ,ಕಾರ್ಕಳ, ಬೆಳ್ತಂಗಡಿ, ಬಿಸಿರೋಡ್, ಪುತ್ತೂರು, ಸುಳ್ಯದಲ್ಲೂ ತನ್ನ ಸಹಸಂಸ್ಥೆಯನ್ನು ಹೊಂದಿಕೊಂಡು, ಕಳೆದ ಹಲವಾರು ವರ್ಷಗಳಿಂದ ಜನರ ವಿಶ್ವಾಸವನ್ನು ಗಳಿಸಿಕೊಂಡಿರುವ ಪ್ರತಿಷ್ಠಿತ ಮೊಬೈಲ್ ಮಳಿಗೆಯ 13ನೇ ಶೋ ರೂಂ ಇದಾಗಿದ್ದು, ಇನ್ಮುಂದೆ ಕೈಗೆಟುಕುವ ದರದಲ್ಲಿ ಬೇಕಾದ ಮೊಬೈಲ್ ಮಾಡೆಲ್ ವಿಶೇಷ ಎಂಬಂತೆ ತಾಲೂಕಿನಲ್ಲೇ ಪ್ರಪ್ರಥಮವಾಗಿ ಆರಂಭವಾಗಿರುವ ಕ್ಸಿಯಾಮಿ ಎಮ್ ಐ ಶೋ ರೂಂ ನೂತನ ಮಳಿಗೆಯನ್ನು ಪುತ್ತೂರು ನಗರ ಸಭೆ ಉಪಾಧ್ಯಕ್ಷೆ ವಿದ್ಯಾ ಆರ್ ಗೌರಿ ದೀಪ ಪ್ರಜ್ವಲಿಸಿ ಶುಭ ಹಾರೈಸಿದರು. ಪುತ್ತೂರು ಮಾಸ್ಟರ್ ಪ್ಲಾನರಿ ಆನಂದ್ ಕುಮಾರ್ ಎಸ್ ಕೆ ರಿಬ್ಬನ್ ಕತ್ತರಿಸಿ ನೂತನ ಕಟ್ಟಡದ ಪಾದಾರ್ಪಣೆಯಾಯಿತು. ಕಾರ್ಯಕ್ರಮದಲ್ಲಿ ಪ್ರೀಮಿಯರ್ ಟೆಲಿಕನೆಕ್ಟ್ ನ ನಿಕೋಲಸ್ ಲೀವಿಸ್, ಮಂಗಳೂರು ಕ್ಸಿಯಾಮಿ ಕಂಪೆನಿಯ ಪ್ರದೀಪ್, ಸುಭಾಷ್ ಚಂದ್ರ ಪ್ರಭು, ವಿಜಯ್ ಕುಮಾರ್, ನಾಗರಾಜ್, ಸಂಜನಾ ಪ್ರಭು ಸೇರಿದಂತೆ ಹಲನರು ಉಪಸ್ಥಿತರಿದ್ದರು.
