ಕಲೆಯನ್ನು ಆರಾಧಿಸಿದರೆ ಕಲೆಗೆ ನಮ್ಮಿಂದಾಗುವ ಕೊಡುಗೆಯನ್ನು ನೀಡಿದರೆ ಕಲೆ ಎಂದಿಗೂ ಕೈ ಬಿಡುವುದಿಲ್ಲ ಎಂಬುದಕ್ಕೆ ಅದ್ಬುತ ಉದಾಹರಣೆಯಾಗಿರುವ ತುಳುನಾಡಿನ ಪ್ರತಿಭಾನ್ವಿತಾ ಪ್ರತಿಭೆ “ಆತ್ಮಿಕ್ ರೈ” ಯವರು ನಿರ್ದೇಶಿಸಿರುವ “ಅವಳು” ಎಂಬ ಕನ್ನಡ ಲಿರಿಕಲ್ ಆನಿಮೇಷನ್ ವಿಡಿಯೋ ಜ.14 ರಂದು ಬಿಡುಗಡೆಯಾಗಲಿದೆ.
“ಆತ್ಮಿಕ್” ರವರು ಮೂಲತಃ ವಿಟ್ಲದವರಾಗಿದ್ದು, ನಿಟ್ಟೆ ಕಾಲೇಜಿನಲ್ಲಿ ಎಂಬಿಎ ಪೂರೈಸಿ, ಪ್ರಸ್ತುತ ಬೆಂಗಳೂರಿನ ದ ಮ್ಯೂಸಿಕ್ ಸ್ಕೂಲ್ ನಲ್ಲಿ ಮ್ಯೂಸಿಕ್ ಡೈರೆಕ್ಷನ್ ಕೋರ್ಸ್ ಮಾಡುತ್ತಿದ್ದು, ಅದರ ಜೊತೆಗೆ ಗಗನ್ ಬಡೆರೀಯಾ ಅವರ ಆಡಿಯೋ ಕ್ರಾಫ್ಟ್ ಸ್ಟುಡಿಯೋದಲ್ಲಿ ವೀಕೆಂಡ್ ನಲ್ಲಿ ಕೆಲಸ ನಿರ್ವಹಿಸುತ್ತಿದ್ದಾರೆ.
ಈ ಆಲ್ಬಮ್ ಸಾಂಗ್ “ಆತ್ಮಿಕ್ ರೈ” ಯವರ ನಿರ್ದೇಶನದಲ್ಲಿ , ಯತಿರಾಜ್ ಉಪ್ಪೂರ್ ರವರ ಕಂಠಸಿರಿಯಲ್ಲಿ ಮೂಡಿಬಂದಿದೆ.
ಆಲ್ಬಮ್ ಸಾಂಗ್ ನ ಮಿಕ್ಸಿಂಗ್ ಮತ್ತು ಮಾಸ್ಟರಿಂಗ್ ಬೆಂಗಳೂರಿನ ಅನಿಕೇತ್ ಮೊಹಂಟಿ ಕ್ರಾಫ್ಟ್ ನಡೆಸಿದ್ದು, ವೀಡಿಯೊ ಆನಿಮೇಟರ್ ರಾಗಿ ಅಂಕುರ್ ರವರು ಕಾರ್ಯನಿರ್ವಹಿಸಿದ್ದಾರೆ.
ಪ್ರೀತಿಯ ವಿಘಟನೆ ನಂತರ ತಾನು ಅನುಭವಿಸಿದ ನೋವನ್ನು ಮರೆಯಲು ಪ್ರಯತ್ನಿಸುತ್ತಿರುವ ಮತ್ತು ತಾನು ಪ್ರೀತಿಸಿದ ಹುಡುಗಿ ಇಲ್ಲದ ಜಗತ್ತಿನಲ್ಲಿ ಬದುಕಲು ಪ್ರಯತ್ನಿಸುವ ವ್ಯಕ್ತಿಯ ಕಥೆ ಇದಾಗಿದ್ದು, ಈ ಹಾಡು 2022 ರ ಜ.14 ರಂದು ಎಲ್ಲಾ ಪ್ರಮುಖ ಪ್ಲಾಟ್ ಫಾರ್ಮ್ ಗಳಲ್ಲಿ ಮತ್ತು ಯೂಟ್ಯೂಬ್‌ನಲ್ಲಿ ಲಿರಿಕಲ್ ಆನಿಮೇಷನ್ ವೀಡಿಯೊದೊಂದಿಗೆ ಬಿಡುಗಡೆಯಾಗಲಿದೆ.
ಲೋ-ಫೈ ಬೀಟ್‌ನೊಂದಿಗೆ ಪ್ರಾರಂಭವಾಗುವ ಹಾಡು ಕ್ಲಾಸಿಕಲ್‌ಗೆ ಹೋಗುತ್ತದೆ ಮತ್ತು ಅದರ ನಂತರ ಫ್ಯೂಚರ್ ಬಾಸ್‌ಗೆ ಹೋಗುತ್ತದೆ ಮತ್ತು ಕ್ಲಾಸಿಕಲ್ ಟಚ್‌ನೊಂದಿಗೆ ಕೊನೆಗೊಳ್ಳುತ್ತದೆ ಎಂಬುದು ಸಂಪೂರ್ಣವಾದ ವಿಭಿನ್ನ ವಿಧಾನವಾಗಿದೆ ಎಂದು ತಂಡ ಅಭಿಪ್ರಾಯಿಸಿದ್ದಾರೆ..
