ಪುತ್ತೂರು : ದ.ಕ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು. ಪುತ್ತೂರು ತಾಲೂಕು , ಮತ್ತು ರೋಟರಿ ಕ್ಲಬ್ ಪುತ್ತೂರು ಯುವ ನೇತೃತ್ವದಲ್ಲಿ, ಅಕ್ಷಯ ಕಾಲೇಜಿನ ಅದ್ವಯ ಸಾಹಿತ್ಯ ಸಂಘ ಮತ್ತು ರೊಟ್ರ್ಯಾಕ್ಟ್ ಕ್ಲಬ್ – ಅಕ್ಷಯ ಕಾಲೇಜು ಪುತ್ತೂರು ಸಹಾಭಾಗಿತ್ವದಲ್ಲಿ “ಪುತ್ತೂರು ತಾಲೂಕು ಕನ್ನಡ ಸಾಹಿತ್ಯ ದತ್ತಿ ನಿಧಿ- 2015” ಉಪನ್ಯಾಸ ಕಾರ್ಯಕ್ರಮವು ಅಕ್ಷಯ ಕಾಲೇಜಿನಲ್ಲಿ ಸಂಪನ್ನಗೊಂಡಿತ್ತು.

ಕಾರ್ಯಕ್ರಮವನ್ನು ದೀಪ ಪ್ರಜ್ವಲನೆಯ ಮೂಲಕ ಉದ್ಘಾಟಿಸಿದ ಅಕ್ಷಯ ಕಾಲೇಜಿನ ಆಡಳಿತ ನಿರ್ದೇಶಕರಾಗಿರುವ ಜಯಂತ್ ನಸುಬೈಲ್ ಕನ್ನಡ ಭಾಷೆಯ ಪ್ರಾಮುಖ್ಯತೆಯನ್ನು ವ್ಯಕ್ತಪಡಿಸಿದರು.
ಸಭಾಪತಿಯರಾದ ರೊಟ್ರ್ಯಾಕ್ ಕ್ಲಬ್ ಅಕ್ಷಯ ಕಾಲೇಜು ಪುತ್ತೂರು ರತ್ನಾಕರ ರೈ ಇವರು ಮಾತನಾಡಿ, ಯಾವುದೇ ಭಾಷೆಯ ಬೆಳವಣಿಗೆಗೆ ಸಾಹಿತ್ಯವೇ ಕಾರಣ ಎಂದರು.

ಅಧ್ಯಕ್ಷರ ನೆಲೆಯಲ್ಲಿ ಪುತ್ತೂರಿನ ಕ.ಸಾ.ಪ. ನ ಅಧ್ಯಕ್ಷರಾಗಿರುವ ಪುತ್ತೂರು ಉಮೇಶ್ ನಾಯಕ್ ರವರು ಮಾತನಾಡಿ, ಮಕ್ಕಳಲ್ಲಿ ಸಾಹಿತ್ಯ ಅಭಿರುಚಿ ಉಂಟಾಗಲು ಸಾಹಿತ್ಯ ಪ್ರಮುಖ ಘಟ್ಟಗಳು ಪಾತ್ರವಹಿಸುತ್ತವೆ ಹಾಗೂ ಅನುವಾದ ಸಾಹಿತ್ಯದಿಂದ ಕನ್ನಡ ಸಾಹಿತ್ಯದ ಕಾರ್ಯವು ಪ್ರಾರಂಭವಾಯಿತು ಎಂದು ನುಡಿದರು.
ಸಂಪನ್ಮೂಲ ವ್ಯಕ್ತಿಗಳಾದ ಹಿರಿಯ ಲೇಖಕರು, ನಿವೃತ್ತ ಪ್ರಾದೇಶಿಕ ಸಾರ್ವಜನಿಕ ಸಮರ್ಖಾಧಿಕಾರಿ ಡಿ. ಆರ್.ಡಿ.ಓ ಕೇಂದ್ರ ರಕ್ಷಣಾ ಸಂಶೋಧನಾ ಇಲಾಖೆಯ ಅಧಿಕಾರಿಯಾಗಿರುವ ಜಯಪ್ರಕಾಶ್ ರನ್ನು ಸನ್ಮಾನಿಸಲಾಯಿತು. ಅನುವಾದ ಸಾಹಿತ್ಯ ಬಗ್ಗೆ ಉಪನ್ಯಾಸ ಕಾರ್ಯಗಾರ ನಡೆಸಿಕೊಟ್ಟರು.

ಕಾಲೇಜಿನ ಪ್ರಾಂಶುಪಾಲರಾದ ಸಂಪತ್ ಪಕ್ಕಳ, ಆಡಳಿತಾಧಿಕಾರಿ ಅರ್ಪಿತ್ ಟಿ ಎ, ರೊಟ್ರ್ಯಾಕ್ ಕ್ಲಬ್ ನ ಸಯೋಂಜಕರಾಗಿರುವ ಉಪನ್ಯಾಸಕ ರಾಕೇಶ್ ರೊಟ್ರ್ಯಾಕ್ ಕ್ಲಬ್ ಅಕ್ಷಯ ಕಾಲೇಜಿನ ಸತ್ಯನಾರಾಯಣ ನಾಯಕ್ ಉಪಸ್ಥಿತರಿದ್ದರು.
ಅದ್ವಯ – ಸಾಹಿತ್ಯ ಸಂಘದ ಮುಖ್ಯಸ್ಥರಾದ ಹರಿಶ್ಚಂದ್ರ ಪ್ರಾಸ್ತಾವಿಕ ಮಾತುಗಳ್ನಾಡಿದರು. ಪಶುಪತಿ ಶರ್ಮ ಶಾಲು ಮತ್ತು ಸ್ಮರಣಿಕೆ ನೀಡಿ ಸ್ವಾಗತಿಸಿದರು.
ಉಜ್ವಲ್ ನಾಯಕ್ ರವರು ವಂದಿಸದರು. ಕೀರ್ತನ್ ಕಾರ್ಯಕ್ರಮ ನಿರೂಪಿಸಿದರು. ಸವಿ ಡೇಚಮ್ಮ ರವರು ನಿರ್ವಹಿಸಿದರು.




























