ಹೆಚ್ಎಸ್ಆರ್ ಪಿ ನಂಬರ್ ಪ್ಲೇಟ್ ಕಡ್ಡಾಯ ಎಂಬ ಕಾನೂನು ಬಂದ ಬಳಿಕ. ವಾಹನ ಸವಾರರು ಅದರ ನೋಂದಣಿ ಮಾಡಲು ಮುಂದಾಗಿದ್ದಾರೆ. ಹೀಗಾಗಿ ರಿಜಿಸ್ಟರ್ಗೆ ಆನ್ಲೈನ್ ಮೊರೆ ಹೋಗುತ್ತಿದ್ದಾರೆ. ಆದರೆ ಆನ್ಲೈನ್ನಲ್ಲಿ ಹೆಚ್ಎಸ್ಆರ್ಪಿ ನಂಬರ್ ಪ್ಲೇಟ್ ವಿಚಾರವಾಗಿ ದೊಡ್ಡ ಮೋಸದ ಜಾಲವೊಂದು ಬೆಳಕಿಗೆ ಬಂದಿದೆ.
ಕೊಂಚ ಯಾಮಾರಿದರೂ ಹಣ ಗುಳುಂ ಆಗುವ ಸಾಧ್ಯತೆ ಇದೆ. ಬಹುತೇಕರು ಆನ್ಲೈನ್ ನಲ್ಲಿ ಹೆಚ್ಎಸ್ಆರ್ ಪಿ ನಂಬರ್ ಪ್ಲೇಟ್ ಗೆ ಅಪ್ಲೈ ಮಾಡುತ್ತಿದ್ದಾರೆ. ಆದರೆ ಆನ್ಲೈನ್ ನಲ್ಲಿ ನಕಲಿ ಕ್ಯೂ ಆರ್ ಕೋಡ್ ಲಿಂಕ್ ಗಳು ಹರಿದಾಡುತ್ತಿದ್ದು, ಅಪ್ಪಿ ತಪ್ಪಿ ನಕಲಿ ಕ್ಯೂ ಆರ್ ಕೋಡ್ ಕ್ಲಿಕ್ ಮಾಡಿದ್ರೆ ಹಣ ಮಂಗ ಮಾಯವಾಗುವ ಸಾಧ್ಯತೆ ಇದೆ.
ಹೆಚ್ಎಸ್ಆರ್ಪಿ ನಂಬರ್ ಪ್ಲೇಟ್ ನೋಂದಣಿ ಹೆಸರಲ್ಲಿ ದೋಖಾ ಶುರುವಾಗಿದೆ. ಖದೀಮರು ನಕಲಿ ಲಿಂಕ್ ಹರಿಬಿಟ್ಟು ನೋಂದಣಿ ಮಾಡಿಸಿಕೊಳ್ಳುತ್ತಿದ್ದಾರೆ. ನೋಂದಣಿ ಬಳಿಕ ಕ್ಯೂ ಆರ್ ಕೋಡ್ ನೀಡುತ್ತಾರೆ. ಆದರೆ ಕ್ಯೂ ಆರ್ ಕೋಡ್ ಟಚ್ ಮಾಡಿದ್ರೆ ಅಪರಿಚಿತರಿಗೆ ಲಿಂಕ್ ರವಾನೆಯಾಗುತ್ತೆ. ಸ್ವಲ್ಪ ಯಾಮಾರಿದರೂ ನಿಮ್ಮ ಹಣ ಖದೀಮರ ಪಾಲಾಗುವ ಸಾಧ್ಯತೆ ಇದೆ.
ವ್ಯಕ್ತಿಯೋರ್ವ ಈ ಮೋಸದ ಜಾಲದ ಬಗ್ಗೆ ಎಕ್ಸ್ ಮೂಲಕ ನಗರ ಪೊಲೀಸರಿಗೆ ದೂರು ನೀಡಿದ್ದಾನೆ. ಕ್ಯೂ ಆರ್ ಕೋಡ್ ಸಮೇತ ಮಾಹಿತಿ ಒದಗಿಸಿದ್ದಾನೆ. ಪೊಲೀಸರು ಸೈಬರ್ ವಂಚಕರ ಬಗ್ಗೆ ಎಚ್ಚರಿಕೆಯಿಂದ ಇರುವಂತೆ ಸೂಚನೆ ನೀಡಿದ್ದಾರೆ.
I went online to get my hsrp plate registration and clicked on the first link. Filled in the details. The link led me to qr code and I opened to find the payee was a one named Mohd Asif.@BlrCityPolice @blrcitytraffic
— Rakshith Pande (@PandeRakshith) February 16, 2024
For reference I'm attaching the qr so people don't get scammed pic.twitter.com/nwYSfrDlTm
