ಬೆಳ್ತಂಗಡಿ: ಬೆಳ್ತಂಗಡಿ ತಾಲೂಕಿನಲ್ಲಿ ಅವಳಿ ಸಹೋದರರು ಸೇರಿ ಕಟ್ಟಿದ ತಂಡವೊಂದು ನೊಂದವರ ಬಾಳಿಗೆ ಬೆಳಕು ಚೆಲ್ಲುವ ಕಾರ್ಯವನ್ನು ನಿರಂತರವಾಗಿ ಮಾಡುತ್ತಲೇ ಬರುತ್ತಿದೆ. ತನ್ಮೂಲಕ ಸಮಾಜದಲ್ಲಿ ಅತಿ ಕಷ್ಟದಲ್ಲಿರುವ ಕುಟುಂಬವನ್ನು ಗುರುತಿಸಿ ಈ ಅವಳಿ ಸಹೋದರರು ಹಲವು ದಾನಿಗಳ ನೆರವನ್ನು ಪಡೆದುಕೊಂಡು ಸಹಾಯ ಹಸ್ತವನ್ನು ಚಾಚುತ್ತಲಿದ್ದಾರೆ.
ಈವರೆಗೆ ತಮ್ಮ 20 ಸೇವಾ ಯೋಜನೆಗಳನ್ನು ಪೂರೈಸಿ, 21ನೇ ಸೇವಾಯೋಜನೆಯನ್ನು ಜೂ. 4ರಂದು ಯಶಸ್ವಿಯಾಗಿ ಪೂರೈಸಿದರು.
ಬಲಿಷ್ಠ ಬಿಲ್ಲವರು ವಾಟ್ಸಪ್ ತಂಡದಿಂದ ಕ್ಯಾನ್ಸರ್ ಖಾಯಿಲೆಯಿಂದ ಬಳಲುತ್ತಿರುವ ಶ್ರಾವ್ಯಳ ಚಿಕಿತ್ಸೆಗೆ ಸಹಾಯ ಮಾಡುವುದೆಂದು ನಿರ್ಧರಿಸಿ ಇದೀಗ ಈ ಪ್ರತಿಭಾನ್ವಿತ ವಿದ್ಯಾರ್ಥಿನಿಯ ಚಿಕಿತ್ಸೆಗಾಗಿ ಸಂಗ್ರಹಿಸಿದ 1 ಲಕ್ಷದ 50,000 ರೂಪಾಯಿಯನ್ನು ಮನೆಗೆ ಹೋಗಿ ಮಾಜಿ ಶಾಸಕ ವಸಂತ ಬಂಗೇರ ಅವರ ಉಪಸ್ಥಿತಿಯಲ್ಲಿ ಹಸ್ತಾಂತರಿಸಿದರು.
ಈ ಸಂದರ್ಭದಲ್ಲಿ ತಂಡದ ರೂವಾರಿಗಳಾದ ಸಂಪತ್ ಅಂಚನ್, ಸನತ್ ಅಂಚನ್, ಸಂತೋಷ್, ಸಂದೀಪ್, ಹೇಮಂತ್ ಕೋಟ್ಯಾನ್ ವಾಮದಪದವು, ತಿಲಕ್ ಕೋಟ್ಯಾನ್ ವಾಮದಪದವು, ರಾಜೇಶ್ ಮದ್ದಡ್ಕ, ಪ್ರಜ್ಞಾ ಓಡಿಲ್ನಾಳ ಉಪಸ್ಥಿತರಿದ್ದರು.
