ಬಂಟ್ವಾಳ : ಸಲೂನ್ ಬಳಿ ನಿಂತುಕೊಂಡಿದ್ದ ವ್ಯಕ್ತಿಯೋರ್ವರಿಗೆ ಯುವಕನೋರ್ವ ಅವಾಚ್ಯವಾಗಿ ಬೈದು ಹಲ್ಲೆ ನಡೆಸಿರುವ ಬಗ್ಗೆ ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಬಂಟ್ವಾಳ ಪುದು ನಿವಾಸಿ ನವಾಜ್ ಮೊಹಮ್ಮದ್ ಎಂಬಾತ ನೀಡಿರುವ ದೂರಿನ ಮೇರೆಗೆ ಪೈಝಲ್ (ಪಜ್ಜು) ವಿರುದ್ಧ ಪ್ರಕರಣ ದಾಖಲಾಗಿದೆ.
ನವಾಝ್ ಮೊಹಮ್ಮದ್ ಆ.17ರಂದು ಸಂಜೆ ಅವರ ಮನೆಯ ಸಮೀಪದ ಸೆಲೂನ್ ಬಳಿ ನಿಂತುಕೊಂಡಿದ್ದಾಗ, ಅಲ್ಲಿಗೆ ದ್ವಿಚಕ್ರ ವಾಹನದಲ್ಲಿ ಬಂದ ಫೈಝಲ್ (ಪಜ್ಜು) ಎಂಬಾತ ನವಾಝ್ ಮೊಹಮ್ಮದ್ ಬಳಿ ಅಕ್ಕನ ಮಗ ಅಫೀಜ್ ನ ಬಗ್ಗೆ ವಿಚಾರಿಸಿದ್ದು, ನವಾಝ್ ಮೊಹಮ್ಮದ್ ನನಗೆ ಗೊತ್ತಿಲ್ಲ ಎಂಬುದಾಗಿ ತಿಳಿಸಿದ್ದು, ಈ ವೇಳೆ ಪೈಝಲ್ ಅವಾಚ್ಯವಾಗಿ ಬೈದು, ಆತನ ದ್ವಿಚಕ್ರ ವಾಹನದಲ್ಲಿದ್ದ ಮರದ ಸೊಂಟೆಯನ್ನು ತೆಗೆದು ನವಾಝ್ ಮೊಹಮ್ಮದ್ ಗೆ ಹಲ್ಲೆ ನಡೆಸಿದ್ದು, ಬೊಬ್ಬೆ ಹಾಕಿದಾಗ ಪೈಝಲ್ ಅಲ್ಲಿಂದ ತೆರಳಿರುವುದಾಗಿ ದೂರಿನಲ್ಲಿ ತಿಳಿಸಿದ್ದಾರೆ.
ಈ ಬಗ್ಗೆ ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಅ.ಕ್ರ 82/2024 ಕಲಂ: 352, 118(1), 351(2) ಭಾರತೀಯ ನ್ಯಾಯ ಸಂಹಿತೆ ರಂತೆ ಪ್ರಕರಣ ದಾಖಲಾಗಿದೆ.
