ಕರ್ನಾಟಕ ಯಂಗ್ ಬ್ರಿಗೇಡ್ ಸೇವಾ ದಳದ ರಾಜ್ಯ ಪ್ರದಾನ ಕಾರ್ಯದರ್ಶಿ ಯಾಗಿ ನಗರ ಸಭಾ ಸದಸ್ಯ ರಿಯಾಜ್ ಪರ್ಲಡ್ಕ ನೇಮಕ

ಪುತ್ತೂರು ನಗರ ಸಭಾ ಸದಸ್ಯ ರಿಯಾಜ್ ಪರ್ಲಡ್ಕ ರವರನ್ನು ಕರ್ನಾಟಕ ರಾಜ್ಯ ಯಂಗ್ ಬ್ರಿಗೇಡ್ ಸೇವಾದಳದ ರಾಜ್ಯ ಪ್ರದಾನ ಕಾರ್ಯದರ್ಶಿಯಾಗಿ ಅಖಿಲ ಭಾರತ ಕಾಂಗ್ರೆಸ್ ಸೇವಾದಳದ ಮುಖ್ಯ ಸಂಘಟಕ ಲಾಲ್ಜಿ ದೇಸಾಯಿ ರವರು ನೇಮಕ ಗೊಳಿಸಿ ಆದೇಶ ಮಾಡಿರುತ್ತಾರೆ.

ಪುತ್ತೂರು ಮಾಜಿ ಶಾಸಕರಾದ ಶ್ರೀಮತಿ ಶಕುಂತಲಾ ಟಿ ಶೆಟ್ಟಿ ಹಾಗೂ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾದ ಎಂ ಬಿ ವಿಶ್ವನಾಥ ರೈ ಯವರ ಕೋರಿಕೆಯಂತೆ ರಾಜ್ಯ ಯಂಗ್ ಬ್ರಿಗೇಡ್ ಸೇವಾದಳದ ಅಧ್ಯಕ್ಷ ಜುನೈದ್ ಪಿಕೆ ರವರ ಶಿಫ್ಫಾರಸಿನ ಮೇರೆಗೆ, ಕೆಪಿಸಿಸಿ ಅಧ್ಯಕ್ಷರಾದ ಡಿಕೆ ಶಿವಕುಮಾರ್ ರವರ ಸೂಚನೆಯಂತೆ ಈ ನೇಮಕಾತಿ ನಡೆದಿದೆ ಎಂದು ತಿಳಿದು ಬಂದಿದೆ.

ಸದಾ ಹಸನ್ಮುಖಿಯಾಗಿರುವ ರಿಯಾಜ್ ಪರ್ಲಡ್ಕ ರವರು ನಗರ ಸಭೆಯ ಕ್ರಿಯಾ ಶೀಲ ಸದಸ್ಯರಾಗಿದ್ದು, ಪುತ್ತೂರು ಯಂಗ್ ಬ್ರಿಗೇಡ್ ನ ಮುಖ್ಯ ಶಕ್ತಿಯಾಗಿರುತ್ತಾರೆ,ಯಂಗ್ ಬ್ರಿಗೇಡ್ ವತಿಯಿಂದ ಕೋರೋನ ರೋಗಿಗಳಿಗಾಗಿ ಉಚಿತ ಆಂಬುಲೆನ್ಸ್ ಸೇವೆ ಒದಗಿಸುವ ಕಾರ್ಯಕ್ರಮದ ಮುಖ್ಯ ರೂವಾರಿಯಾಗಿರುವ ರಿಯಾಜ್ ರವರು ಹಲವಾರು ಸಮಾಜ ಮುಖಿ ಕಾರ್ಯ ಕ್ರಮದಲ್ಲಿ ತನ್ನನ್ನು ತೊಡಗಿಸಿ ಕೊಂಡವರಾಗಿರುತ್ತಾರೆ.

ಮಾಜಿ ಪುರಸಭಾ ಸದಸ್ಯ ದಿವಂಗತ ಅಬ್ದುಲ್ ಹಮೀದ್ ರವರ ಸುಪುತ್ರರಾಗಿರುವ ರಿಯಾಜ್ ರವರು M. Tech ಪದವೀಧರರಾಗಿದ್ದು ಸಿವಿಲ್ ಕಾಂಟ್ರಾಕ್ಟ್ ವೃತ್ತಿ ಮಾಡುತ್ತಿದ್ದಾರೆ.

ನಗರ ಸಭಾ ಸದಸ್ಯ ರಾಗಿ ತನ್ನ ವಾರ್ಡಿನ ಎಲ್ಲಾ ಬಡವ ಹಾಗೂ ಮಧ್ಯಮ ವರ್ಗ ಕುಟುಂಬಗಳಿಗೆ ಆಹಾರ ಒದಗಿಸುವ ಮೂಲಕ ಜನರ ಕಷ್ಟಗಳಿಗೆ ಸ್ಪಂದಿಸುವ ಕೆಲಸ ಮಾಡಿರುವ ರಿಯಾಜ್ ರವರು ನಗರ ಸಭೆಯಿಂದ ತಿಂಗಳಲ್ಲಿ ಸಿಗುವ ರೂ 4’000 ಗೌರವ ಧನವನ್ನು ಬಡವರಿಗೆ ಹಂಚುತ್ತಿರುವ ಉತ್ಸಾಹಿ ಯುವ ನಾಯಕರಾಗಿರುತ್ತಾರೆ.