ಪಂಜಾಬ್ನ ಹುಸೈನ್ಪುರ್ ಬ್ರಿಡ್ಜ್ಮೇಲೆ ಜನವರಿ 5 ರಂದು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಭದ್ರತಾ ಲೋಪವಾಗಿರೋ ಘಟನೆಗೆ ಸಂಬಂಧಿಸಿದಂತೆ ಮತ್ತಷ್ಟು ಸ್ಫೋಟಕ ಮಾಹಿತಿ ಲಭ್ಯವಾಗುತ್ತಿವೆ. ಈ ನಡುವೆ ಖಾಲಿಸ್ತಾನಿ ಉಗ್ರರು ಪ್ರಧಾನಿ ಮೋದಿಗೆ ಜೀವ ಬೆದರಿಕೆವೊಡ್ಡಿದ್ದು, ಇಂದಿರಾ ಗಾಂಧಿಗೆ ಏನಾಯ್ತೋ.. ನಿಮಗೂ ಅದೇ ಆಗುತ್ತೆ ಅಂತ ಎಚ್ಚರಿಕೆ ರವಾನಿಸಿದ್ದಾರೆ.
ರಿಪಬ್ಲಿಕ್ ಇಂಗ್ಲಿಷ್ ನ್ಯೂಸ್ ಚಾನೆಲ್ ವಿಡಿಯೋ ಪ್ಲೇ ಮಾಡಿದ್ದು, ಅದ್ರಲ್ಲಿ ಖಾಲಿಸ್ತಾನಿ ಉಗ್ರರ ಬೆಂಬಲಿತ ನಿಷೇಧಿತ ಸಿಖ್ ಫಾರ್ ಜಸ್ಟಿಸ್ನ ಮುಖ್ಯಸ್ಥ ಮಾತನಾಡುತ್ತಿದ್ದು, ವೆಲ್ ಡನ್ ಎಂದು ಹೇಳಿದ್ದಾನೆ. ನಿನ್ನೆ ಘಟನೆಗೆ ಸಂಬಂಧಿಸಿದಂತೆ ಮಾತನಾಡುತ್ತಿದ್ದ ಆತ, ನಮಗೆ ಪಂಜಾಬ್ ಪೊಲೀಸರು ಮೋದಿ ರೂಟ್ ಬಗ್ಗೆ ಮಾಹಿತಿ ನೀಡಿದ್ರು.. ಅದರ ಆಧಾರದಲ್ಲಿ ನಾವು ಮೋದಿಯನ್ನು ಮರಳಿ ಕಳಿಸಿದ್ದೇವೆ.. ಇದು ಮೊದಲ ಹೆಜ್ಜೆಯಷ್ಟೇ.. ಇಂದಿರಾ ಗಾಂಧಿಗೆ ಏನಾಯ್ತೋ ಅದು ಮತ್ತೆ ಆಗುತ್ತೆ.. ಆಗ ಶಸ್ತ್ರ ಬಳಸಲಾಗಿತ್ತು.. ಈ ಬಾರಿ ವೋಟ್ ಬಳಸಿ ರೆಫರಂಡಮ್ ಮಾಡ್ತೀವಿ.. ಆ ಮೂಲಕ ಖಾಲಿಸ್ತಾನ ನಿರ್ಮಾಣ ಮಾಡುತ್ತೇವೆ.. ಎಂದು ಘೋಷಿಸಿದ್ದಾನೆ..
ಕೇವಲ ಈತ ಮಾತ್ರವಲ್ಲ ಭಾರತ್ ಕಿಸಾನ್ ಯೂನಿಯನ್ ಕ್ರಾಂತಿಕಾರಿ ಬಣ ಕೂಡ ತಮಗೆ ಪಂಜಾಬ್ ಪೊಲೀಸರೇ ಮಾಹಿತಿ ನೀಡಿದ್ದರು.. ಅದರಂತೆ ನಾವು ರಸ್ತೆ ತಡೆ ಮಾಡಿದ್ದೇವು ಎಂದು ತಿಳಿಸಿದೆ. ಈ ಹಿನ್ನೆಲೆಯಲ್ಲಿ ಸದ್ಯ ಪಂಜಾಬ್ ಸರ್ಕಾರ ಹಾಗೂ ಅಲ್ಲಿನ ಪೊಲೀಸರ ಬಗ್ಗೆ ಸಾಕಷ್ಟು ಪ್ರಶ್ನೆಗಳು ಮೂಡಿದ್ದು, ದೇಶದ ಪ್ರಧಾನಿ ಸುರಕ್ಷತೆಗಿಂತ ರಾಜಕೀಯವೇ ಹೆಚ್ಚಾಯ್ತಾ? ಅನ್ನೋ ಮಾತುಗಳು ಕೇಳಿ ಬಂದಿವೆ.
