ವಿಶ್ವದಾದ್ಯಂತ ಕೆಜಿಎಫ್ ತೂಫಾನ್ ಬೀಸಲು ಶುರುವಾಗಿದೆ. ಬೆಳ್ಳಿ ತೆರೆ ಮೇಲೆ ರಾಕಿಭಾಯ್ ವೈಲೆನ್ಸ್ ನೋಡಿ ಫ್ಯಾನ್ಸ್ ಫಿದಾ ಆಗಿದ್ದಾರೆ. ನರಾಚಿ ಕೋಟೆಯಲ್ಲಿ ಬೀಸಿದ ಗಾಳಿಗೆ ದಾಖಲೆಗಳೆಲ್ಲಾ ಪುಡಿಪುಡಿ ಆಗ್ತಿವೆ. ಬಿಡುಗಡೆಯಲ್ಲೂ ಕೆಜಿಎಫ್-2 ದಾಖಲೆ ಬರೆದಿದ್ದು, 10 ಸಾವಿರಕ್ಕೂ ಹೆಚ್ಚು ಸ್ಕ್ರೀನ್ಗಳ ಮೇಲೆ ರಾಕಿ ಅಬ್ಬರಿಸುತ್ತಿದ್ದಾನೆ. ಕೆಜಿಎಫ್ ಬ್ಯುಸಿನೆಸ್ ಬಗ್ಗೆ ಭಾರತೀಯ ಚಿತ್ರರಂಗವೇ ಬೆರಗುಗೊಂಡಿದೆ.
ವೈಲೆನ್ಸ್..ವೈಲೆನ್ಸ್..ವೈಲೆನ್ಸ್..ಸದ್ಯ ಎಲ್ಲ ಥಿಯೇಟರ್ಗಳಲ್ಲೂ ಯಶ್ ಫ್ಯಾನ್ಸ್ಗಳದ್ದೇ ವೈಲೆನ್ಸ್. ಬಿಕಾಸ್ ಇಂದು ರಾಕಿಭಾಯ್ ವರ್ಲ್ಡ್ ವೈಡ್ ಎಂಟ್ರಿಕೊಟ್ಟಿದ್ದಾನೆ. ವಿಶ್ವದಾದ್ಯಂತ ಕ್ರೇಜ್ ಹುಟ್ಟಿಸಿದ್ದ ಕೆಜಿಎಫ್ ಚಾಪ್ಟರ್-2 ಸಿನಿಮಾ ಸುನಾಮಿ ತೆರೆಗಪ್ಪಳಿಸಿದೆ. ರಕ್ತದಿಂದ ಬರೆದ ಚಿನ್ನದ ಕಥೆಯನ್ನ ಕಣ್ತುಂಬಿಕೊಳ್ಳಲು ಪ್ರೇಕ್ಷಕರು ಸಾಗರೋಪಾದಿಯಲ್ಲಿ ಚಿತ್ರಮಂದಿರಗಳಿಗೆ ಹರಿದುಬರ್ತಿದ್ದಾರೆ. ನರಾಚಿ ಸಾಮ್ರಾಜ್ಯದಲ್ಲಿ ರಾಕಿಭಾಯ್ ಆರ್ಭಟಕ್ಕೆ ಪ್ರೇಕ್ಷಕಪ್ರಭು ಮೊದಲ ಶೋನಲ್ಲೇ ಫುಲ್ ಮಾರ್ಕ್ಸ್ ನೀಡುತ್ತಿದ್ದಾನೆ.
ಜಗತ್ತಿನಾದ್ಯಂತ ಇಂದು ಕೆಜಿಎಫ್ ತೂಫಾನ್ ಬೀಸಿದೆ. ಸಿಡಿಲ ಕಿಡಿ ಕಿಚ್ಚಿನ ಆರ್ಭಟ ಭಾರತ ಚಿತ್ರರಂಗದ ಇತಿಹಾಸದಲ್ಲೇ ಹೊಸ ಮೈಲಿಗಲ್ಲನ್ನು ಸ್ಥಾಪಿಸುತ್ತಿದೆ. ನಿನ್ನೆ ರಾತ್ರಿಯಿಂದಲೇ ಕೆಜಿಎಫ್ ಹಬ್ಬ ಶುರುವಾಗಿದ್ದು, ರಾಕಿ ಫ್ಯಾನ್ಸ್ ಫುಲ್ ಜೋಷ್ನಲ್ಲಿದ್ದಾರೆ. ನರಾಚಿಯಲ್ಲಿ ರಾಕಿಭಾಯ್ ವೈಲೆನ್ಸ್ ನೋಡಿ ಫುಲ್ ಥ್ರಿಲ್ ಆಗ್ತಿದ್ದಾರೆ. ಯಶ್ ಫ್ಯಾನ್ಸ್ ಸಂಭ್ರಮ ಮುಗಿಲುಮುಟ್ಟಿದೆ. ಥಿಯೇಟರ್ ಮುಂದೆ ಪಟಾಕಿ ಸಿಡಿಸಿ ಘೋಷಣೆಗಳನ್ನು ಕೂಗ್ತಿದ್ದಾರೆ. ರಾಕಿಭಾಯ್ ಸಿಡಿಲಬ್ಬರಕ್ಕೆ ಸಿನಿಮಾ ರಂಗದಲ್ಲಿ ಸುನಾಮಿಯೇ ಸೃಷ್ಟಿಯಾಗಿದೆ.
ಮೊದಲ ಬಾರಿಗೆ 75 ದೇಶಗಳಲ್ಲಿ ಒಂದು ಸಿನಿಮಾ ತೆರೆಗೆ
ವರ್ಲ್ಡ್ ವೈಡ್ ರಿಲೀಸ್ ವಿಚಾರದಲ್ಲಿ ಕೆಜಿಎಫ್ ಚಾಪ್ಟರ್ 2 ದಾಖಲೆ ಬರೆದಿದೆ. ವಿಶ್ವದಾದ್ಯಂತ 10,500 ಸ್ಕ್ರೀನ್ಗಳಲ್ಲಿ ಕೆಜಿಎಫ್-2 ತೆರೆಗೆ ಅಪ್ಪಳಿಸಿದೆ. ಕರ್ನಾಟಕದ 550 ಥಿಯೇಟರ್‌ಗಳಲ್ಲಿ ಸಿನಿಮಾ ರಿಲೀಸ್ ಆಗಿದೆ. ಭಾರತದಲ್ಲಿ 6,000ಕ್ಕೂ ಅಧಿಕ ಸ್ಕ್ರೀನ್ಗಳಲ್ಲಿ ಸಿನಿಮಾ ಬಿಡುಗಡೆಯಾಗಿದೆ. ಉತ್ತರ ಭಾರತದಲ್ಲಿ 4000 ಸ್ಕ್ರೀನ್ಗಳಲ್ಲಿ ಸಿನಿಮಾ ರಿಲೀಸ್ ಆಗಿದೆ. ಸಾಗರದಾಚೆ 4000ಕ್ಕೂ ಹೆಚ್ಚು ಸ್ಕ್ರೀನ್ಗಳಲ್ಲಿ ಸಿನಿಮಾ ತೆರೆಕಂಡಿದೆ. ಯೂರೋಪ್ ರಾಷ್ಟ್ರಗಳು, ಅಮೆರಿಕ, ಯುಎಇ, ಗ್ರೀಸ್, ಸ್ವಿಜರ್ಲ್ಯಾಂಡ್, ದುಬೈ, ರಷ್ಯಾ ಸೇರಿ 75 ಕಡೆ ರಿಲೀಸ್ ಆಗಿದೆ. ಇದೇ ಮೊದಲ ಬಾರಿಗೆ ಭಾರತದ ಸಿನಿಮಾವೊಂದು 75 ದೇಶಗಳಲ್ಲಿ ಏಕಕಾಲಕ್ಕೆ ತೆರಕಾಣ್ತಿದೆ.
ಬರೋಬ್ಬರಿ 3 ವರ್ಷಗಳ ಬಳಿಕ ರಾಕಿಭಾಯ್ ಫ್ಯಾನ್ಸ್ಗೆ ರಸದೌತಣ ಬಡಿಸುತ್ತಿದ್ದಾನೆ. ಕೆಜಿಎಫ್ ತೂಫಾನ್ಗೆ ಗಲ್ಲಾ ಪೆಟ್ಟಿಗೆ ಶೇಕ್ ಆಗ್ತಿದೆ. ಪ್ರಶಾಂತ್ ನೀಲ್-ಯಶ್ ಜೋಡಿ ಮತ್ತೊಮ್ಮೆ ಮೋಡಿ ಮಾಡಿದೆ. ನರಾಚಿಯಲ್ಲಿ ಅಬ್ಬರಿಸುತ್ತಿರೋ ರಾಕಿ ಸದ್ದು ಇಡೀ ವಿಶ್ವದ ಮೂಲೆ ಮೂಲೆಗೂ ತಲುಪುತ್ತಿದೆ. ಇನ್ನೇನಿದ್ರೂ ರಾಕಿ ಸುನಾಮಿಗೆ ದಾಖಲೆಗಳು ಪೀಸ್ ಪೀಸ್ ಆಗೋದಷ್ಟೇ ಬಾಕಿ.
