ಈ ವರ್ಷದ ಭಾರೀ ನಿರೀಕ್ಷೆಯ ಸಿನಿಮಾ ಧುರಂಧರ್ – ದಿ ರಿವೆಂಜ್ ಸಿನಿಮಾ, ಯುಗಾದಿಯ ದಿನವಾದ ಮಾರ್ಚ್ 19ರಂದು ಬಿಡುಗಡೆಯಾಗಿದೆ. ಚಿತ್ರದ ಎರಡು ಸನ್ನಿವೇಶಗಳಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರು ಕಾಣಿಸಿಕೊಳ್ಳುತ್ತಾರೆ. ಆವೇಳೆ, ಪ್ರೇಕ್ಷಕರಿಂದಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗುವ ದೃಶ್ಯಗಳು ಇಂಟರ್ನೆಟ್’ನಲ್ಲಿ ಭಾರೀ ಸದ್ದನ್ನು ಮಾಡುತ್ತಿದೆ.
ಆದಿತ್ಯ ಧರ್ ನಿರ್ದೇಶನದ ’ಧುರಂಧರ್ : ದಿ ರಿವೆಂಜ್’ ಸಿನಿಮಾದಲ್ಲಿನ ಎರಡು ಸನ್ನಿವೇಶಗಳಲ್ಲಿ ಪ್ರಧಾನಮಂತ್ರಿ ನರೇಂದ್ರ ಮೋದಿ ಕಾಣಿಸಿಕೊಂಡಿದ್ದಾರೆ. ಚಿತ್ರದ ಕಥಾಹಂದರದಲ್ಲಿ ಮೋದಿಯವರ ಸೇರ್ಪಡೆಯು ಚಿತ್ರದ ಪ್ಲಸ್ / ಪಾಯಿಂಟ್ ಚರ್ಚೆಯಲ್ಲಿನ ಮುಖ್ಯಾಂಶವಾಗಿದೆ.
ಚಿತ್ರದ ಮಧ್ಯೆ, ಪ್ರಧಾನಿ ಮೋದಿ ಭಾಷಣ ಮಾಡುವ ದೃಶ್ಯವನ್ನು ಸೇರಿಸಲಾಗಿದೆ. ಮೋದಿಯವರು ಸ್ಕ್ರೀನ್ ಮೇಲೆ ಬರುವಾಗ, ಪ್ರೇಕ್ಷಕರಿಂದ ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
ಪ್ರಧಾನಮಂತ್ರಿ ಭಾಷಣದ ತುಣುಕುಗಳನ್ನು ಆಧುನಿಕ ಭಾರತೀಯ ಇತಿಹಾಸದ ಎರಡು ಕ್ಷಣ ಎಂದು ತೋರಿಸಲಾಗಿದೆ. ಚಿತ್ರ ಅತ್ಯಂತ ಸೀರಿಯಸ್ಸಾಗಿ ಸಾಗುತ್ತಿರಬೇಕಾದರೆ, ಮೋದಿಯವರು ಸ್ಕ್ರೀನ್ ನಲ್ಲಿ ಪ್ರತ್ಯಕ್ಷವಾಗುವುದು ಪ್ರೇಕ್ಷಕರಿಗೆ ಆಶ್ಚರ್ಯ ಮತ್ತು ಖುಷಿಗೆ ಕಾರಣವಾಗಿರುವುದಕ್ಕೆ ಚಿತ್ರಮಂದಿರ ಸಾಕ್ಷಿಯಾಗಿದೆ. ಮೋದಿಯವರ ಈ ಹಿಂದಿನ ಎರಡು ಭಾಷಣದ ತುಣುಕವನ್ನು ಚಿತ್ರದಲ್ಲಿ ತೋರಿಸಲಾಗಿದೆ.
2014ರಲ್ಲಿ ಮೊದಲ ಬಾರಿಗೆ ಪ್ರಧಾನಮಂತ್ರಿಯಾಗಿ ಪ್ರಮಾಣವಚನ ಸ್ವೀಕರಿಸಿದ ಸಮಾರಂಭ (ಮೇ.. ನರೇಂದ್ರ ದಾಮೋದರ್ ದಾಸ್ ಮೋದಿ, ಈಶ್ವರ್ ಕೇ ಶಪಥ್ ಲೇತಾಹೂಂ) ಮತ್ತು ಎರಡನೇಯದ್ದು 2016ರ ನೋಟು ಅಮಾನ್ಯೀಕರಣದ (Demonetisation) ವೇಳೆ ದೇಶವನ್ನು ಉದ್ದೇಶಿಸಿ ಮಾಡುವ ಭಾಷಣದ ತುಣುಕವನ್ನು ಚಿತ್ರದಲ್ಲಿ ತೋರಿಸಲಾಗಿದೆ.
ಪ್ರಧಾನಿ ಮೋದಿಯವರು ತೆರೆಯ ಮೇಲೆ ಕಾಣಿಸಿಕೊಂಡಾಗ, ಚಿತ್ರಮಂದಿರಗಳಲ್ಲಿ ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಥಿಯೇಟರ್’ನಲ್ಲಿ ಜನರ ಪ್ರತಿಕ್ರಿಯೆಯ ದೃಶ್ಯಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.
