ಮುಕ್ಕೂರು: ಪೆರುವಾಜೆ ಗ್ರಾಮ ಪಂಚಾಯತ್ ವ್ಯಾಪ್ತಿಯ ಮುಕ್ಕೂರು ವಾರ್ಡ್ ನ ಕೋವಿಡ್ ನಿಯಂತ್ರಣ ಕಾರ್ಯಪಡೆಯ ಆಶ್ರಯದಲ್ಲಿ ಮುಕ್ಕೂರು ಶಾಲೆಯಲ್ಲಿ ಕೊರೊನಾ ಪ್ರಥಮ ಹಂತದ ಲಸಿಕೆ ನೀಡುವ ಕಾರ್ಯಕ್ರಮ ಜೂ.18 ರಂದು ನಡೆಯಿತು.
45 ವರ್ಷಕ್ಕಿಂತ ಮೇಲ್ಪಟ್ಟ ಹಾಗೂ 18 ರಿಂದ 44 ರ ವಯೋಮಾನದಲ್ಲಿ ಆದ್ಯತಾ ವಲಯದ ಸುಮಾರು 98 ಮಂದಿಗೆ ಲಸಿಕೆ ಹಾಕಲಾಯಿತು. ಬೆಳಗ್ಗೆ 10 ಗಂಟೆಯಿಂದ ಸಂಜೆ 4 ಗಂಟೆ ತನಕ ಲಸಿಕೆ ನೀಡುವ ಕಾರ್ಯ ನಡೆಯಿತು.
ಬೆಳಗ್ಗೆ ಲಸಿಕೆ ನೀಡುವ ಅಭಿಯಾನಕ್ಕೆ ಪೆರುವಾಜೆ ಗ್ರಾ.ಪಂ.ಅಧ್ಯಕ್ಷ ಜಗನ್ನಾಥ ಪೂಜಾರಿ ಮುಕ್ಕೂರು, ಗ್ರಾ.ಪಂ.ಸದಸ್ಯೆ ಗುಲಾಬಿ ಬೊಮ್ಮೆಮಾರು, ಪೆರುವಾಜೆ ಗ್ರಾ.ಪಂ.ಪಿಡಿಓ ಜಯಪ್ರಕಾಶ್ ಅಲೆಕ್ಕಾಡಿ, ಬೆಳ್ಳಾರೆ ಪ್ರಾಥಮಿಕ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಡಾ| ಗಿರೀಶ್, ಕಾರ್ಯಪಡೆ ಸದಸ್ಯರಾದ ನವೀನ್ ಶೆಟ್ಟಿ ಬರಮೇಲು, ಕುಂಞಣ್ಣ ನಾಯ್ಕ ಅಡ್ಯತಕಂಡ, ಇಬ್ರಾಹಿಂ ಕುಂಡಡ್ಕ, ಮಹೇಶ್ ಕುಂಡಡ್ಕ, ಜಯಂತ ಕುಂಡಡ್ಕ ಆರೋಗ್ಯ ಇಲಾಖೆ ಸಿಬಂದಿಗಳು, ಆಶಾ ಕಾರ್ಯಕರ್ತೆಯರು ಚಾಲನೆ ನೀಡಿದರು. ಕಾರ್ಯಪಡೆ ಸದಸ್ಯರಾದ ಕುಂಬ್ರ ದಯಾಕರ ಆಳ್ವ, ಐತ್ತಪ್ಪ ಕಾನಾವು, ರಮೇಶ್ ಕಾನಾವು ಮೊದಲಾದವರು ಪಾಲ್ಗೊಂಡರು.
100 ಲಸಿಕೆ ಗುರಿ:
ತಾಲೂಕಿನಲ್ಲಿ ಪಂಚಾಯತ್ ವ್ಯಾಪ್ತಿಯ ವಾರ್ಡ್ ವೊಂದರಲ್ಲಿ ಪ್ರಥಮ ಬಾರಿಗೆ ಕಾರ್ಯಪಡೆ ಸಹಕಾರದ ಮೂಲಕ ಲಸಿಕೆ ನೀಡುವ ಅಭಿಯಾನವು ಗ್ರಾ.ಪಂ.ಅಧ್ಯಕ್ಷ ಜಗನ್ನಾಥ ಪೂಜಾರಿ ಮುಕ್ಕೂರು ಅವರ ಪರಿಶ್ರಮದ ಫಲವಾಗಿ ಮುಕ್ಕೂರಿನಲ್ಲಿ ನಡೆಯಿತು. ಆರೋಗ್ಯ ಇಲಾಖೆ ನೀಡಿದ 100 ಡೋಸ್ ಗುರಿಯ ಪೈಕಿ 98 ಮಂದಿಗೆ ಡೋಸ್ ನೀಡಲಾಯಿತು. ವಿಶೇಷವಾಗಿ ಆದ್ಯತಾ ವಲಯದ ಸದಸ್ಯರಿಗೆ ಅಗತ್ಯವಿದ್ದ ಅನೆಕ್ಷರಿ-3 ಫಾರಂ ಅನ್ನು ಪೆರುವಾಜೆ ಗ್ರಾ.ಪಂ.ಪಿಡಿಓ ಜಯಪ್ರಕಾಶ್ ಅಲೆಕ್ಕಾಡಿ ಹಾಗೂ ಸಿಬಂದಿ ವರ್ಗ ಖುದ್ಧು ಸ್ಥಳಕ್ಕೆ ಬಂದು ಒದಗಿಸುವ ಮೂಲಕ ಸಹಕಾರ ನೀಡಿದರು. ಲಸಿಕೆ ನೀಡುವಲ್ಲಿ ಬೆಳ್ಳಾರೆ ಪ್ರಾಥಮಿಕ ಆರೋಗ್ಯ ಕೇಂದ್ರದ ಆರೋಗ್ಯ ಸಹಾಯಕಿ ವೆಂಕಟಲಕ್ಷ್ಮಿ, ಬೇಬಿ, ರೇಷ್ಮಾ, ಆಶಾ ಕಾರ್ಯಕರ್ತೆ ರಾಗಿಣಿ, ನೋಂದಣಿ ವಿಭಾಗದಲ್ಲಿ ಕಾರ್ಯಪಡೆ ತಂಡದ ಪರವಾಗಿ ನಮಿತಾ ಅಡ್ಯತಕಂಡ, ಬೃಂದಾ ಮುಕ್ಕೂರು, ಯಕ್ಷಿತಾ ಚಾಮುಂಡಿಮೂಲೆ ಕರ್ತವ್ಯ ನಿರ್ವಹಿಸಿದರು.
