ನಮ್ಮ ತ್ವಚೆಯ ಸೌಂದರ್ಯ ನಮಗೆ ಬಹಳ ಮುಖ್ಯ. ಏಕೆಂದರೆ ನಾವು ಸುಂದರವಾಗಿ ಕಾಣುವಂತೆ ಮಾಡುವುದು ಮತ್ತು ನಮ್ಮ ದೇಹದ ರಕ್ಷಣೆ ಮಾಡುವುದು ನಮ್ಮ ಚರ್ಮ. ಆದರೆ ಬಿಸಿಲಿನ ಬೇಸಿಗೆಯಲ್ಲಿ ನಮ್ಮ ತ್ವಚೆಯನ್ನು ಮನೆಯ ಹೊರಗಡೆ ರಕ್ಷಣೆ ಮಾಡಿಕೊಳ್ಳುವುದು ನಮಗೆ ದೊಡ್ಡ ಸವಾಲಿನ ಕೆಲಸ.
ಆದರೂ ಕೂಡ ನಮ್ಮ ತ್ವಚೆಗೆ ಹಾನಿ ಆಗುವುದು ಖಂಡಿತ. ಇದರ ಮಧ್ಯದಲ್ಲಿ ನಾವು ನಮ್ಮ ಮನೆಯಲ್ಲಿನ ಕೆಲವೊಂದು ವಸ್ತುಗಳನ್ನು ಉಪಯೋಗಿಸಿಕೊಂಡು ನಮ್ಮ ತ್ವಚೆಯ ರಕ್ಷಣೆ ಮಾಡಿಕೊಳ್ಳಬಹುದು. ಅಂತಹ ಕೆಲವೊಂದು ಟಿಪ್ಸ್ ಈ ಕೆಳಗಿನಂತಿವೆ :
ನಿಂಬೆಹಣ್ಣಿನ ರಸ : ನಿಂಬೆಹಣ್ಣು ಹಲವಾರು ಕಲೆಗಳನ್ನು ಹೋಗಲಾಡಿಸುತ್ತದೆ ಎಂದು ಕೇಳಿದ್ದೇವೆ. ನೀವು ಅತ್ಯಂತ ಸೂಕ್ಷ್ಮ ಚರ್ಮದವರಾಗಿದ್ದರೆ, ಈಗಿನ ಬಿರು ಬೇಸಿಗೆಯ ಬಿಸಿಲಿಗೆ ನಿಮ್ಮ ಚರ್ಮ ಹಾನಿ ಆಗಿರುತ್ತದೆ. ಇಂತಹ ಸಮಯದಲ್ಲಿ ಮನೆಗೆ ಬಂದ ನಂತರ ಅರ್ಧ ಹೋಳು ನಿಂಬೆ ಹಣ್ಣನ್ನು ಹಿಂಡಿಕೊಂಡು ನಿಮ್ಮ ಚರ್ಮದ ಸಮಸ್ಯೆ ಇರುವ ಜಾಗದಲ್ಲಿ ಹಚ್ಚಿ ಸ್ವಲ್ಪ ಹೊತ್ತು ಬಿಟ್ಟ ನಂತರ ತಂಪಾದ ನೀರಿನಲ್ಲಿ ಮುಖ ತೊಳೆದುಕೊಳ್ಳಿ. ಇದನ್ನು ಹೊರತುಪಡಿಸಿ ಅಲೋವೆರಾ ಜ್ಯೂಸ್ ಮತ್ತು ವಿಟಮಿನ್ ಈ ಅಂಶ ಸಹ ನಿಮ್ಮ ಚರ್ಮದ ತೇವಾಂಶವನ್ನು ಹೆಚ್ಚು ಮಾಡುವಲ್ಲಿ ಕೆಲಸ ಮಾಡುತ್ತದೆ.
ಕಲ್ಲಂಗಡಿ ಹಣ್ಣು : ಕಲ್ಲಂಗಡಿ ಹಣ್ಣಿನಲ್ಲಿ ನಿಮ್ಮ ಚರ್ಮದ ಮೇಲಿನ ಸುಕ್ಕುಗಳನ್ನು, ಕಲೆಗಳನ್ನು ನಿವಾರಣೆ ಮಾಡುವಂತಹ ಅದ್ಭುತ ಶಕ್ತಿಯಿದೆ. ನಿಮ್ಮ ತ್ವಚೆಯ ಬಣ್ಣ ತುಂಬಾ ಹಗುರವಾಗಿ ಮತ್ತು ಅತ್ಯಂತ ಹೊಳಪಿನಿಂದ ಕೂಡಿರುವಂತೆ ಮಾಡುತ್ತದೆ. ಚರ್ಮದ ಭಾಗದಲ್ಲಿ ನಿಮಗೆ ಯಾವುದಾದರೂ ಸಮಸ್ಯೆಗಳು ಕಂಡು ಬಂದಂತಹ ಸಂದರ್ಭದಲ್ಲಿ ಕಲ್ಲಂಗಡಿ ಹಣ್ಣಿನ ಹೋಳುಗಳನ್ನು ನಯವಾಗಿ ಚರ್ಮದ ಭಾಗದಲ್ಲಿ ಮಸಾಜ್ ಮಾಡಿ.
ಮೊಸರು: ಸೂರ್ಯನ ವಿಕಿರಣಗಳಿಂದ ನಿಮ್ಮ ಚರ್ಮವನ್ನು ರಕ್ಷಣೆ ಮಾಡಿಕೊಳ್ಳಲು ನಿಮ್ಮ ಮನೆಯಲ್ಲಿರುವ ಗಟ್ಟಿಮೊಸರು ಕೆಲಸಕ್ಕೆ ಬರುತ್ತದೆ ಎಂದು ಹೇಳಬಹುದು. ವಿಪರೀತ ಬಿಸಿಲಿನಲ್ಲಿ ಮನೆಯ ಹೊರಗಡೆ ಓಡಾಡಿ ನಂತರ ಮನೆಗೆ ಬಂದು ನೀವು ಮುಖ ತೊಳೆದುಕೊಳ್ಳುವ ಸಂದರ್ಭದಲ್ಲಿ ಮತ್ತು ಸ್ನಾನ ಮಾಡುವ ಮುಂಚೆ ನಿಮ್ಮ ಚರ್ಮದ ಭಾಗಕ್ಕೆ ಮೊಸರಿನಿಂದ ನಯವಾಗಿ ಮಸಾಜ್ ಮಾಡಿ ಸ್ವಲ್ಪ ಹೊತ್ತು ಬಿಟ್ಟ ನಂತರ ನೀರಿನಿಂದ ತೊಳೆದುಕೊಳ್ಳಿ.
ಟೊಮೆಟೊ ಹಣ್ಣು : ಟೊಮೆಟೋ ಹಣ್ಣನ್ನು ಅರ್ಧ ಹೋಳು ಮಾಡಿ ಅದರಿಂದ ರಸ ತೆಗೆದುಕೊಂಡು ನಿಮ್ಮ ತ್ವಚೆಯ ಭಾಗದಲ್ಲಿ ಹಚ್ಚುವುದರಿಂದ ಚರ್ಮ ವ್ಯಾಧಿಗಳು ಗುಣ ಕಾಣುತ್ತವೆ. ಟೊಮೆಟೊ ಹಣ್ಣಿನಲ್ಲಿ ಲೈಕೋಪಿನ್ ಎಂಬ ಅಂಶ ಹೆಚ್ಚಾಗಿ ಕಂಡುಬರುವುದರಿಂದ ಫ್ರೀ ರಾಡಿಕಲ್ ಗಳ ಹಾನಿಯಿಂದ ಚರ್ಮದ ಭಾಗದಲ್ಲಿ ಉಂಟಾಗುವ ಅನೇಕ ಸಮಸ್ಯೆಗಳನ್ನು ಪರಿಹಾರ ಮಾಡಿಕೊಳ್ಳಬಹುದು.
ಸೌತೆಕಾಯಿ ಮತ್ತು ಜೇನುತುಪ್ಪ : ಸೌತೆಕಾಯಿಯನ್ನು ಒಂದು ಬ್ಲೆಂಡರ್ ನಲ್ಲಿ ಪೇಸ್ಟ್ ಮಾಡಿಕೊಂಡು ಅದಕ್ಕೆ ಸ್ವಲ್ಪ ಜೇನು ತುಪ್ಪವನ್ನು ಹಾಕಿ ಚರ್ಮದ ಭಾಗದಲ್ಲಿ ಹಚ್ಚಿಕೊಳ್ಳುವುದರಿಂದ ಚರ್ಮದ ಅನೇಕ ಕಲೆಗಳು ಮಾಯವಾಗುತ್ತವೆ. ಫಲಿತಾಂಶ ಸ್ವಲ್ಪ ನಿಧಾನಕ್ಕೆ ಬಂದರೂ ಸಹ ಅತ್ಯಂತ ಹೊಳಪಿನ ಚರ್ಮ ನಿಮ್ಮದಾಗುತ್ತದೆ.
ಹಸುವಿನ ಹಸಿಹಾಲು : ಹಾಲಿನಲ್ಲಿ ಚರ್ಮಕ್ಕೆ ಸಹಕಾರಿಯಾಗಿರುವ ಅನೇಕ ಪೌಷ್ಟಿಕಾಂಶಗಳು ಸಿಗುವುದರಿಂದ ಹಾಲನ್ನು ನಿಮ್ಮ ತ್ವಚೆಯ ರಕ್ಷಣೆಗಾಗಿ ಬಳಕೆ ಮಾಡಬಹುದು. ಬಿಸಿಲಿನ ಕಾರಣದಿಂದ ಚರ್ಮದ ಮೇಲೆ ಉಂಟಾಗುವ ಕಪ್ಪು ಕಲೆಗಳನ್ನು ಮತ್ತು ಸುಕ್ಕುಗಳನ್ನು ನಿವಾರಣೆ ಮಾಡುವಲ್ಲಿ ಹಾಲು ಮತ್ತು ನಿಂಬೆ ಹಣ್ಣಿನ ರಸ ಬಹಳ ಚೆನ್ನಾಗಿ ಕೆಲಸ ಮಾಡುತ್ತದೆ. ಹಾಲು ಮತ್ತು ನಿಂಬೆ ಹಣ್ಣಿನ ರಸದ ಮಿಶ್ರಣವನ್ನು ಸುಮಾರು ಹತ್ತರಿಂದ ಹದಿನೈದು ನಿಮಿಷಗಳು ಚರ್ಮದ ಮೇಲೆ ಹಚ್ಚಿ ಹಾಗೆ ಬಿಟ್ಟು ನಂತರ ಮುಖ ತೊಳೆದುಕೊಳ್ಳಿ. ಸುಮಾರು ಒಂದು ತಿಂಗಳವರೆಗೆ ಈ ರೀತಿ ಮಾಡುವುದರಿಂದ ಚರ್ಮದ ಸಮಸ್ಯೆಗಳು ಬಗೆಹರಿಯುತ್ತವೆ.
ಹಾಲಿನ ಪೌಡರ್ ಮತ್ತು ಬಾದಾಮಿ ಎಣ್ಣೆ : ಹಾಲಿನ ಪೌಡರ್ ನಲ್ಲಿ ಹಾಲಿನಲ್ಲಿ ಕಂಡುಬರುವ ಗುಣಲಕ್ಷಣಗಳು ಸಿಗುತ್ತವೆ. ಜೊತೆಗೆ ಬಾದಾಮಿ ಎಣ್ಣೆ ಕೂಡ ಚರ್ಮಕ್ಕೆ ಅತ್ಯಂತ ಸಹಕಾರಿಯಾಗಿ ಕೆಲಸ ಮಾಡುವುದರಿಂದ ಇವೆರಡರ ಮಿಶ್ರಣ ಚರ್ಮದ ಹಾನಿಯಾದ ಹೊಳಪನ್ನು ವಾಪಸ್ ಬರುವಂತೆ ಮಾಡುತ್ತದೆ. ಏಪ್ರಿಕಾಟ್ ಸ್ಕ್ರಬ್ : ಏಪ್ರಿಕಾಟ್ ನಲ್ಲಿ ಮಾಯಿಶ್ಚರೈಸಿಂಗ್ ಗುಣಲಕ್ಷಣಗಳಿವೆ. ನಿಮಗೆ ಸೂರ್ಯನ ಬಿಸಿಲಿನ ಕಾರಣದಿಂದ ಅತಿಯಾಗಿ ಚರ್ಮದ ಹೊಳಪಿನ ಹಾನಿ ಉಂಟಾಗಿದ್ದರೆ, ನಿರ್ಲಕ್ಷ ಮಾಡದೆ ಅಪ್ರಿಕಾಟ್ ಸ್ಕ್ರಬ್ ಅನ್ವಯಿಸಿ.
