ಪುತ್ತೂರು: ಬಜತ್ತೂರು ಗ್ರಾಮದ ಕುಡ್ತಡ್ಕ ನೆಕ್ಕರೆ ನಿವಾಸಿ ಚಂದು ರವರು ಒಂದು ಸಣ್ಣ ಗುಡಿಸಲಿನಲ್ಲಿ ಪತ್ನಿ ಹಾಗೂ ಮೂರು ಸಣ್ಣ ಮಕ್ಕಳೊಂದಿಗೆ ವಾಸಿಸುತ್ತಿದ್ದು, ಇವರು ಕೂಡ ಕಾಲಿನ ಸಮಸ್ಯೆಯಿಂದ ಮೂರು ವರ್ಷದಿಂದ ದುಡಿಯಲು ಅಸಾಧ್ಯವಾಗದೇ ಇವರ ಪತ್ನಿ ಮಕ್ಕಳ ವಿದ್ಯಾಭ್ಯಾಸ ಮತ್ತು ಗಂಡನ ಅನಾರೋಗ್ಯ ಚಿಕಿತ್ಸೆ ಖರ್ಚು , ಮನೆಯ ಖರ್ಚನ್ನು ಬೀಡಿ ಕಟ್ಟಿ ಹೊಂದಿಸಿಕೊಂಡು ಹೋಗುತ್ತಿದ್ದಾರೆ. ಇವರು ವಾಸಿಸುತ್ತಿರುವ ಸಣ್ಣ ಮನೆಯು ಬೀಳುವ ಪರಿಸ್ಥಿತಿ ಯಲ್ಲಿದೆ , ಇವರ ತೀರ ಬಡತನದಲ್ಲಿರುವುದರಿಂದ ಆರ್ಥಿಕ ಪರಿಸ್ಥಿತಿಯು ಸರಿಯಾಗಿಲ್ಲದೆ ಹೊಸ ಮನೆಯನ್ನು ಕಟ್ಟಲು ಸಾದ್ಯವಾಗಿಲ್ಲ, ಇವರ ಈ ಪರಿಸ್ಥಿತಿಯನ್ನು ಉದ್ಯಮಿ , ರೈ ಎಸ್ಟೇಟ್ ಮಾಲಕರಾದ ಅಶೋಕ್ ಕುಮಾರ್ ರೈ ಕೋಡಿಂಬಾಡಿ ಯವರ ಗಮನಕ್ಕೆ ತಂದಾಗ, ಕೂಡಲೇ ಸ್ಪಂದಿಸಿದ ಅವರು ಖುದ್ದು ಮನೆಗೆ ಭೇಟಿ ನೀಡಿದರು.
ಸಂಘಟನೆಯ ಸಹಕಾರದೊಂದಿಗೆ ಹೊಸ ಮನೆ ರಚನಾ ಸಂದರ್ಭದಲ್ಲಿ ನಾನು ಕೂಡ ಸಹಾಯ ಮಾಡುವುದಾಗಿ ಭರವಸೆ ನೀಡಿದರು.
ಈ ಸಂದರ್ಭದಲ್ಲಿ ಭಜರಂಗದಳದ ಜಿಲ್ಲಾ ಗೊರಕ್ಷ ಪ್ರಮುಖ್ ಮಹೇಶ್ ಬಜತ್ತೂರು , ಬಜತ್ತೂರು ಗ್ರಾಮ ಪಂಚಾಯತ್ ಸದಸ್ಯೆ ಅರ್ಪಿತ , ಜಯರಾಮ್, ಶಶಿ ಕಿರಣ್ , ಚೇತನ್ , ರಾಮಚಂದ್ರ, ಪ್ರಸಾದ್ ಹಾಗೂ ನವೀನ್ ಕಾಂಚನ ಉಪಸ್ಥಿತರಿದ್ದರು.
