ಮಂಜೇಶ್ವರ: ಕೆಲಸಕ್ಕೆಂದು ತಿಳಿಸಿ ಹೋದ ನಿರ್ಮಾಣ ಕಾರ್ಮಿಕ ನಾಪತ್ತೆಯಾದ ಬಗ್ಗೆ ದೂರು ದಾಖಲಾಗಿದೆ.
ಹೊಸಬೆಟ್ಟು ನಿವಾಸಿ ದಿ. ತಿಮ್ಮಪ್ಪ ಎಂಬವರ ಪುತ್ರ ಗಿರೀಶ್ ಕುಮಾರ್ (44) ನಾಪತ್ತೆಯಾದವರು.
![](https://zoomintv.online/wp-content/uploads/2022/09/WhatsApp-Image-2022-09-14-at-4.24.59-PM.jpeg)
ಗಿರೀಶ್ ರವರ ಪತ್ನಿ ರಮಿತ ನೀಡಿದ ದೂರಿನಂತೆ ಮಂಜೇಶ್ವರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಸೆ.12 ರಂದು ಬೆಳಗ್ಗೆ ಕೆಲಸಕ್ಕೆಂದು ತಿಳಿಸಿ ಗಿರೀಶ್ ಕುಮಾರ್ ತೆರಳಿದ್ದಾರೆ. ಅಂದು ಸಂಜೆ 4 ಗಂಟೆಗೆ ಅವರ ಮೊಬೈಲ್ ಗೆ ಪತ್ನಿ ಕರೆ ಮಾಡಿ ಮಾತನಾಡಿದ್ದಾರೆ. ಆದರೇ ಅಂದು ಸಂಜೆ ಮನೆಗೆ ತಲುಪದೆ ಇರುವುದರಿಂದ ಕರೆ ಮಾಡಿದಾಗ ಫೋನ್ ಸ್ವಿಚ್ ಆಫ್ ಆಗಿರುವುದಾಗಿ ದೂರಿನಲ್ಲಿ ತಿಳಿಸಿದ್ದಾರೆ. ಪ್ರಕರಣ ದಾಖಲಿಸಿರುವ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.