ಬೆಂಗಳೂರು : ಕನ್ನಡದ ಬಿಗ್ ರಿಯಾಲಿಟಿ ಶೋ ಬಿಗ್ಬಾಸ್ ಮಾಜಿ ಸ್ಪರ್ಧಿ ಹಾಗೂ ಸೋಷಿಯಲ್ ಮೀಡಿಯಾ ಸೆಲೆಬ್ರಿಟಿಯಾಗಿರೋ ಸೋನು ಶ್ರೀನಿವಾಸ್ ಗೌಡ ಜೈಲುವಾಸ ಅನುಭವಿಸಿ ವಾಪಸ್ ಆಗಿದ್ದಾರೆ. ಅನಧಿಕೃತವಾಗಿ ಮನೆಯಲ್ಲಿ ಮಗುವನ್ನು ಇಟ್ಟುಕೊಂಡಿದ್ದ ಆರೋಪದಲ್ಲಿ ಬ್ಯಾಡರಹಳ್ಳಿ ಪೊಲೀಸರು ಸೋನು ಗೌಡರನ್ನು ಬಂಧಿಸಿದ್ದರು.
ಪರಪ್ಪನ ಅಗ್ರಹಾರ ಕಾರಾಗೃಹದಿಂದ ಜಾಮೀನಿನ ಮೇಲೆ ಸೋನು ಗೌಡ ಹೊರಗೆ ಬಂದ ಮೇಲೆ ಜೈಲುವಾಸ ಅನುಭವ ಬಗ್ಗೆ ಮಾತಾಡಿದ್ದಾರೆ.
ಇನ್ನು, ಈ ಬಗ್ಗೆ ಸೋನು ಗೌಡ ಸೋಶಿಯಲ್ ಮೀಡಿಯಾದಲ್ಲಿ ವೀಡಿಯೋ ಮಾಡುವ ಮೂಲಕ ಜೈಲಿನಲ್ಲಿದ್ದಾಗ ಆದ ಅನುಭವದ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ. ಜೈಲಿನಿಂದ ಹೊರ ಬಂದ ಸೋನು ಗೌಡಗೆ ಸಾಕಷ್ಟು ಜನರು ಜೈಲಿನಲ್ಲಿ ಕಳೆದ ದಿನಗಳ ಬಗ್ಗೆ ವೀಡಿಯೋ ಮಾಡುವಂತೆ ಕೇಳಿದ್ದರಂತೆ. ಹೀಗಾಗಿ ಈ ವಿಡಿಯೋವನ್ನು ಮಾಡುತ್ತಿರುವೆ ಎಂದು ಸೋನು ಗೌಡ ಹೇಳಿದ್ದಾರೆ. ಇದೇ ವೀಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ಸೋನು ಗೌಡ ಶೇರ್ ಮಾಡಿಕೊಂಡ ವಿಡಿಯೋದಲ್ಲಿ ನನ್ನನ್ನು ಕಾನೂನಾತ್ಮಕವಾಗಿ ವಿಚಾರಣೆ ಮಾಡಿದ್ದರು. ಪೊಲೀಸ್ ಸ್ಟೇಷನ್ ಬಳಿಕ ಕೋರ್ಟ್ನಲ್ಲಿ ನನ್ನನ್ನು ಸೆಂಟ್ರೆಲ್ ಜೈಲಿನಲ್ಲಿ 4 ಗೋಡೆಗಳ ಮಧ್ಯೆ ಹಾಕಿದ್ದರು. ಆ 4 ದಿನ ಕಳೆದಾಗ ನನಗೆ ಇದೆಲ್ಲಾ ಬೇಕಿತ್ತಾ ಎಂದು ಅನಿಸಿತು.
ನನ್ನ ಕೇಸ್ನಂತೆ ಬೇರೆ ಬೇರೆ ಪ್ರಕರಣದವರು ಕೂಡ ಅಲ್ಲಿ ಇದ್ದರು. ಫುಲ್ ಮರ್ಡರ್, ಹಾಫ್ ಮರ್ಡರ್ ಮಾಡಿದವರೆಲ್ಲಾ ಇದ್ರು. ಹಲವು ರೀತಿಯ ಜನಗಳ ಜೊತೆ ಇರೋದು ನನಗೆ ಕಷ್ಟ ಅನಿಸಿತು. ಜೈಲಿನಲ್ಲಿ 3 ದಿನಕ್ಕೆ ಒಮ್ಮೆ ಫೋನ್ ಕೊಡುತ್ತಿದ್ದರು. 3-4 ನಿಮಿಷ ಮಾತಾಡಲು ಮೂರು ದಿನ ಕಾಯಬೇಕಿತ್ತು. ಇದರಿಂದ ನನಗೆ ವ್ಯಕ್ತಿಯ ಬೆಲೆ ಗೊತ್ತಾಯ್ತು. ಜೈಲಿನ 4 ಗೋಡೆ ಮಧ್ಯೆ ಇದ್ದು ಅನೇಕ ವಿಚಾರ ಕಲಿತೆಕೊಂಡೆ ಅಂತಾ ಹೇಳಿಕೊಂಡಿದ್ದಾರೆ. ಇನ್ನೊಂದು ವಿಚಾರ ಅಂದ್ರೆ, ಜೈಲಿನಲ್ಲಿ ತುಂಬಾನೇ ಸೊಳ್ಳೆ ಕಾಟ ಇತ್ತು. ನಾನು ಫ್ಯಾನ್ ಇಲ್ಲದೇ ಇರೋದಿಲ್ಲ. ಅಲ್ಲೂ ಫ್ಯಾನ್ ಇತ್ತು. ಆದ್ರೆ, ನಮ್ಮ ಲೈಫ್ ಸ್ಟೈಲ್ ಬೇರೆ, ಅಲ್ಲಿ ಇರುವವರ ಜೀವನ ಬೇರೆನೆ ಇದೆ. 23-24ನೇ ವಯಸ್ಸಿಗೆ ನಾನು ಜೈಲು ನೋಡಿದೆ ಅನ್ನೋದೇ ನನಗೆ ಬೇಸರದ ವಿಚಾರ.
ನಾಲ್ಕು ಗೋಡೆ ನಡುವೆ ಇದ್ದಾಗ ಯಾಕೆ ಈ ರೀತಿ ಆಯ್ತು ಎಂದು ಯೋಚಿಸಿದೆ. ನನ್ನ ಜೀವನ ಮತ್ತೆ ನೆಗೆಟಿವ್ ಆಗಿ ಹೋಯ್ತು ಅಂತ ತುಂಬಾ ಬೇಸರವಾಯ್ತು. ನನ್ನವರು ಅಂತ ಯಾರು ಇಲ್ಲ. ಅದಕ್ಕಾಗಿ ನನಗೆ ತುಂಬಾ ಬೇಸರ ಆಯ್ತು. ಇದರಲ್ಲಿ ಖುಷಿ ವಿಚಾರ ಅಂದ್ರೆ. ಟ್ರೋಲ್ ಪೇಜ್ಗಳು ನನ್ನನ್ನು ಸಪೋರ್ಟ್ ಮಾಡಿದ್ದಾರೆ. ಇದನ್ನು ನೋಡಿ ನನಗೆ ಖುಷಿ ಆಯ್ತು. ಜೈಲಿನಿಂದ ಬಂದ ಮೊದಲ ದಿನ ನಾನು ಫೋನ್ ನೋಡಿಲ್ಲ. ನಂತರ ನೋಡಿದೆ. ನನ್ನದು ಸಣ್ಣ ಸರ್ಕಲ್, ನನ್ನ ಅಣ್ಣ, ನಮ್ಮ ಮನೆಯವರು, ರಾಕೇಶ್ ಅಡಿಗ ಎಲ್ಲರು ನನ್ನ ಜೊತೆ ಇದ್ದರು. ಈ ಕೇಸ್ ಬಗ್ಗೆ ನಾನು ಹೆಚ್ಚು ಮಾತಾಡುವಂತಿಲ್ಲ. ಆದ್ರೆ ಇನ್ಮುಂದೆ ನಾನು ಎಂದಿನಂತೆ ವಿಡಿಯೋ ಮಾಡುವೆ, ನಿಮ್ಮ ಸಪೋರ್ಟ್ ಬೇಕು ಎಂದು ಹೇಳಿಕೊಂಡಿದ್ದಾಳೆ.
