ಸುಳ್ಯ: ಮಹಿಳೆಯೊಬ್ಬರು ಕಾರಿನಲ್ಲಿ ಪ್ರಯಾಣಿಸುತ್ತಿದ್ದಾಗ, ಆ ಮಹಿಳೆಯ ಪತಿ ಎನ್ನಲಾದ ವ್ಯಕ್ತಿ ಬೈಕಲ್ಲಿ ಬಂದು ಕಾರನ್ನು ಅಡ್ಡಗಟ್ಟಿ ನಿಲ್ಲಿಸಿ, ಮಹಿಳೆಯ ಮೇಲೆ ಹಲ್ಲೆಗೆ ಯತ್ನಿಸಿದ ಹಾಗೂ ಈ ವೇಳೆ ಸ್ಥಳಕ್ಕಾಗಮಿಸಿದ ಪೊಲೀಸರನ್ನು ಕಂಡು ಮಹಿಳೆಯ ಪತಿ ಪರಾರಿಯಾದ, ಪೊಲೀಸರು ಮಹಿಳೆಯನ್ನು ಸುಳ್ಯ ಠಾಣೆಗೆ
ಕರೆದುಕೊಂಡು ಹೋದ ಘಟನೆ ಜಾಲ್ಸೂರಿನಲ್ಲಿ ನಡೆದಿದೆ.
ಕೇರಳ ಮೂಲದ ಮಹಿಳೆಯೋರ್ವರು ಸುಳ್ಯದ ಖಾಸಗಿ ಸಂಸ್ಥೆಯೊಂದರಲ್ಲಿ ಉದ್ಯೋಗಿಯಾಗಿದ್ದು, ಜ.31 ರಂದು ಸಂಜೆ ಮಹಿಳೆಯು ಬಾಡಿಗೆ ಕಾರೊಂದರಲ್ಲಿ ಪುತ್ತೂರಿನಿಂದ ಸುಳ್ಯ ಕಡೆಗೆ ಬರುತ್ತಿದ್ದ ವೇಳೆ ಜಾಲ್ಸೂರಿನ ಕಾಳಮನೆ ಎಂಬಲ್ಲಿಗೆ ಬೈಕ್
ನಲ್ಲಿ ಬಂದ ಮಹಿಳೆಯ ಪತಿ ಕಾರನ್ನು ತಡೆದು ನಿಲ್ಲಿಸಿ, ಮಹಿಳೆ ಮೇಲೆ ಹಲ್ಲೆಗೆ ಯತ್ನಿಸಿದ್ದಾನೆ.
ಈ ವೇಳೆ ಜಾಲ್ಸೂರಿನಲ್ಲಿದ್ದ ಸುಳ್ಯ ಪೊಲೀಸರಿಗೆ ವಿಷಯ ತಿಳಿದು
ಅವರು ಸ್ಥಳಕ್ಕೆ ಆಗಮಿಸಿದಾಗ ಮಹಿಳೆಯ ಪತಿ ಬೈಕ್ ನಲ್ಲಿ
ಪರಾರಿಯಾಗಿದ್ದು, ಮಹಿಳೆಯನ್ನು ಪೊಲೀಸರು ಸುಳ್ಯ ಪೊಲೀಸ್
ಠಾಣೆಗೆ ಕರೆದೊಯ್ದಿದ್ದಾರೆ ಎಂದು ತಿಳಿದು ಬಂದಿದೆ.
ಈ ಬಗ್ಗೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುವುದಾಗಿ ವರದಿಯಾಗಿದೆ..
