ಎರಡು ಡೋಸ್ ವ್ಯಾಕ್ಸಿನ್ ಪಡೆದಿರಷ್ಟೇ ರಾಜ್ಯಕ್ಕೆ ಪ್ರವೇಶ- ಸಿಎಂ ಬೊಮ್ಮಾಯಿ

ಬೆಂಗಳೂರು: ದೆಹಲಿಯಿಂದ ವಾಪಸ್ಸಾಗುತ್ತಲೇ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ 8 ಜಿಲ್ಲೆಗಳ ಜಿಲ್ಲಾಧಿಕಾರಿಗಳ ಜೊತೆಗೆ ವಿಡಿಯೋ ಕಾನ್ಫರೆನ್ಸ್ ಮೂಲಕ ಕೊರೊನಾ ನಿಯಂತ್ರಣಕ್ಕೆ ಸಂಬಂಧಿಸಿದಂತೆ ಸಭೆ ನಡೆಸಿ ಚರ್ಚಿಸಿದರು. ಸಭೆಯ ನಂತರ ಸುದ್ದಿಗೋಷ್ಠಿ ನಡೆಸಿದ ಬಸವರಾಜ ಬೊಮ್ಮಾಯಿ.. ಎರಡೂ ಡೋಸ್ಗಳನ್ನ ಪಡೆದವರಿಗೆ ಮಾತ್ರವೇ ರಾಜ್ಯದ ಗಡಿಯಲ್ಲಿ ಪ್ರವೇಶ ನೀಡಲಾಗುವುದು ಎಂದರು.

ಕಳೆದ ಬಾರಿ ಎರಡನೇ ಅಲೆ ಕೇರಳ ಮತ್ತು ಮಹಾರಾಷ್ಟ್ರದಿಂದಲೇ ಬಂದಿತ್ತು.. ಈ ಬಾರಿಯೂ ಕೇರಳದಲ್ಲಿ ಕೊರೊನಾ ಸೋಂಕು ಹೆಚ್ಚಾಗಿದೆ. ಇದರಿಂದ ರಾಜ್ಯದಲ್ಲೂ ಆತಂಕ ಹೆಚ್ಚಿದೆ. ಇದನ್ನ ಗಂಭೀರವಾಗಿ ತೆಗೆದುಕೊಳ್ಳಬೇಕಿದೆ.

ಸಿಎಂ ಸುದ್ದಿಗೋಷ್ಠಿಯ ಮುಖ್ಯಾಂಶಗಳು..

ಹಿರಿಯ ಅಧಿಕಾರಿಗಳು ಬಾರ್ಡರ್ಗಳ ಜವಾಬ್ದಾರಿ ವಹಿಸಿಕೊಳ್ಳಬೇಕು ಎಂದಿದ್ದೇನೆ. ಟೆಸ್ಟಿಂಗ್ಗೆ ಹೆಲ್ತ್ ಯೂನಿಟ್ಗಳನ್ನು ಹೆಚ್ಚಿಸಿಕೊಳ್ಳಲು ಡಿಹೆಚ್ಓಗಳಿಗೆ ಸೂಚನೆ ನೀಡಿದ್ದೇನೆ.
ಎಲ್ಲ ಜಿಲ್ಲೆಗಳಲ್ಲಿ ಮೂಲಭೂತ ಸೌಕರ್ಯ ಗುಣಮಟ್ಟ ಹೊಂದಬೇಕು. ಏನೆಲ್ಲಾ ಕೊರತೆ ಇದೆ ಅದು ಸರಿಯಾಗಬೇಕು.. ವ್ಯಾಕ್ಸಿನೇಷನ್ ಹಂಚಿಕೆ ಹೆಚ್ಚಾಗಬೇಕು. ಕೇಂದ್ರದ ಆರೋಗ್ಯ ಸಚಿವರ ಜೊತೆ ಮಾತನಾಡಿ ಬಂದಿದ್ದೇನೆ. 65 ಲಕ್ಷ ವ್ಯಾಕ್ಸಿನ್ ಡೋಸ್ ನೀಡುತ್ತಿದ್ದರು.. ಇದನ್ನ ಹೆಚ್ಚಿಸಲು ಮನವಿ ಮಾಡಿಕೊಂಡಿದ್ದೇನೆ.
ಕನಿಷ್ಟ 1.5 ಕೋಟಿಯಾದರೂ ಹೆಚ್ಚಿಸಬೇಕು ಎಂಬುದು ನಮ್ಮ ಲೆಕ್ಕಾಚಾರ. ಕನಿಷ್ಟ 1 ಕೋಟಿ ಡೋಸ್ ಕೊಡ್ತೀನಿ ಎಂದಿದ್ದಾರೆ. ನಾಳೆಯಿಂದ ಎರಡೂ ಡೋಸ್ ಪಡೆದ ಸರ್ಟಿಫಿಕೇಟ್ ಇದ್ದರಷ್ಟೇ ಎಂಟ್ರಿ. 72 ಗಂಟೆಯೊಳಗಿನ ಆರ್ಟಿಪಿಸಿಆರ್ ಟೆಸ್ಟ್ ರಿಪೋರ್ಟ್ ಇರಬೇಕು.
ಟೆಸ್ಟ್ಗಳನ್ನು ಬಾರ್ಡರ್ಗಳಲ್ಲಿ ಹೆಚ್ಚಿಸಬೇಕು ಎಂದು ಹೇಳಿದ್ದೇನೆ. ಮಹಾರಾಷ್ಟ್ರ ಬಾರ್ಡರ್ ಜಿಲ್ಲೆಗಳಲ್ಲೂ ಇದು ಅನ್ವಯಿಸುತ್ತದೆ.
ಎರಡನೇ ತಾರೀಕಿನವರೆಗೂ ಹಿಂದಿನ ಆಜ್ಞೆ ಇತ್ತು.. 15 ದಿನ ಇದನ್ನ ಮುಂದುವರೆಸುತ್ತೇವೆ. ಕೊರೊನಾ ಸ್ಥಿತಿ ನೋಡಿಕೊಂಡು ಬದಲಾವಣೆ ಮಾಡುತ್ತೇವೆ.
ವಾತ್ಸಲ್ಯ ಯೋಜನೆಯ ಪ್ರಯೋಗ ಮಾಡಿದ್ದೇವೆ.. ಈ ಮೂಲಕ ಮಕ್ಕಳ ಪೌಷ್ಟಿಕ ಆಹಾರದ ಕೊರತೆ ನೀಗಿಸಲು ಕಿಟ್ ನೀಡುವುದು.. ಹೆಚ್ಚುವರಿ ಚಿಕಿತ್ಸೆ ಬೇಕಾದ್ರೆ ನೀಡುವುದು ಮಾಡುತ್ತಿದ್ದೇವೆ.. ಇದನ್ನ ರಾಷ್ಟ್ರವ್ಯಾಪಿ ಮಾಡಲು ಕೇಂದ್ರ ಸಚಿವರ ಬಳಿ ಮಾತನಾಡಿದ್ದೇನೆ. ಕೆಲವೇ ದಿನಗಳಲ್ಲಿ 100 ಪರ್ಸೆಂಟ್ ಶಿಕ್ಷಕರಿಗೆ ವ್ಯಾಕ್ಸಿನ್ ನೀಡಲು ಚಿಂತಿಸಿದ್ದೇವೆ.
ಖಾಸಗಿ ಶಾಲೆಗಳನ್ನು ತೆರೆಯಲು ಅವಕಾಶ ನೀಡುವುದಿಲ್ಲ.. ಈ ಬಗ್ಗೆ ಸಭೆಯೊಂದನ್ನ ಕರೆದು ಮಾತನಾಡ್ತೇನೆ.
ದಕ್ಷಿಣ ಕನ್ನಡ ಉಡುಪಿ ಜಿಲ್ಲೆಗಳಲ್ಲಿ ಪಾಸಿಟಿವಿಟಿ ರೇಟ್ ಹೆಚ್ಚಾಗಿದೆ.. ಇದರ ನಿಯಂತ್ರಣಕ್ಕೆ ಕೆಲವು ಕ್ರಮಗಳನ್ನ ತೆಗೆದುಕೊಳ್ಳಲು ಹೇಳಿದ್ದೇನೆ. ಗಡಿ ಜಿಲ್ಲೆಯಲ್ಲದ ಕೆಲವು ಜಿಲ್ಲೆಗಳಲ್ಲೂ ಸಹ ಚೆಕ್ ಪೋಸ್ಟ್ ನಿರ್ಮಿಸಿ ಪರೀಕ್ಷೆಗೆ ಹೇಳಿದ್ದೇನೆ. ಹೋಮ್ ಸ್ಟೇಗಳಲ್ಲಿ ಆರ್ಟಿಪಿಸಿಆರ್ ಟೆಸ್ಟ್ ರಿಪೋರ್ಟ್ ಕಡ್ಡಾಯ ಮಾಡಲು ನಿರ್ಧರಿಸಿದ್ದೇವೆ.
ಸಂಪುಟ ರಚನೆಗೆ ಬಹಳ ದಿನ ತೆಗೆದುಕೊಳ್ಳೋದಿಲ್ಲ.. ಯಾವ ಲಿಸ್ಟನ್ನೂ ಸಬ್ಮಿಟ್ ಮಾಡಿಲ್ಲ.. ಸೋಮವಾರ ಅವರಿಂದ ಕರೆಬರಬಹುದು.. ಆಗ ಹೋಗ್ತೇನೆ. ಶಶಿಕಲಾ ವಿರುದ್ಧ ಕ್ರಮಕ್ಕೆ ಸಂಬಂಧಿಸಿದಂತೆ ಮುಂದಿನ ನಿರ್ಣಯದಲ್ಲಿ ನಿಮಗೆ ಗೊತ್ತಾಗಲಿದೆ.