ಮಂಗಳೂರು: ನಿಂತಿದ್ದ ಗೂಡ್ಸ್ ರೈಲಿನ ಮೇಲೇರಿ ಸೆಲ್ಪಿ ತೆಗೆಯಲು ಹೋಗಿ ಯುವಕನೊಬ್ಬನಿಗೆ ವಿದ್ಯುತ್ ಶಾಕ್ ಹೊಡೆದ ಘಟನೆ ಸುರತ್ಕಲ್ ರೈಲ್ವೆ ನಿಲ್ದಾಣದ ಬಳಿಯ ಅಗರಮೇಲು ಎಂಬಲ್ಲಿ ನಡೆದಿದೆ.
ಘಟನೆಯಿಂದ ಸಲಾನ್ ಪಾರಸ್ (21) ಎಂಬ ಯುವಕನಿಗೆ ವಿದ್ಯುತ್ ಅಘಾತವಾಗಿದೆ.
ಸುರತ್ಕಲ್ ರೈಲ್ವೆ ನಿಲ್ದಾಣದ ಬಳಿ ಹಳಿಯನ್ನು ವಿದ್ಯುದ್ದೀಕರಣ ಮಾಡಲಾಗಿದ್ದು, ಇಲ್ಲಿ ಹೈ ವೋಲ್ಟೇಜ್ ತಂತಿಗಳು ಇದ್ದು ಯುವಕ ಇದರ ಮಾಹಿತಿ ಇಲ್ಲದೆ ಸೆಲ್ಪಿ ತೆಗೆಯಲು ಹೋಗಿದ್ದಾನೆ. ಸೆಲ್ಪಿ ತೆಗೆಯುವ ವೇಳೆ ಹೈ ವೋಲ್ಟೇಜ್ ತಂತಿ ತಗುಲಿ ವಿದ್ಯುತ್ ಶಾಕ್ ಹೊಡೆದು ಭಾಗಶ ಸುಟ್ಟು ಹೋಗಿದ್ದಾನೆ ಎನ್ನಲಾಗಿದೆ.
ಗಾಯಗೊಂಡ ಯುವಕನನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ತಿಳಿದು ಬಂದಿದೆ.