ತಿರುವನಂತಪುರಂ: ಕಾಸರಗೋಡು ಮೂಲದ ಮಲಯಾಳಂ ನಟಿ ಶಹಾನಾ (20) ಅವರ ಮೃತದೇಹ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದೆ.

ಕೇರಳ ಕೋಳಿಕೋಡ್ನಲ್ಲಿ ನಟಿ ಶಹಾನಾ ಆತ್ಮಹತ್ಯೆಗೆ ಶರಣಾದ ಸ್ಥಿತಿಯಲ್ಲಿ ಮೃತದೇಹ ಪತ್ತೆಯಾಗಿದೆ. ಶಹಾನಾ ಸಾವಿನ ಹಿನ್ನೆಲೆಯಲ್ಲಿ ಆಕೆಯ ಪತಿ ಸಾಜದ್ನನ್ನು ಪೊಲೀಸರು ಬಂಧಿಸಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.
ಕಳೆದ ಒಂದೂವರೆ ವರ್ಷದ ಹಿಂದೆಯಷ್ಟೇ ಸಾಜದ್ ಜೊತೆ ವಿವಾಹವಾಗಿದ್ದ ನಟಿ ಶಹಾನಾ, ದಾಂಪತ್ಯ ಕಲಹ ಹಿನ್ನೆಲೆ ಮನನೊಂದು ಸಾವನ್ನಪ್ಪಿರುವ ಶಂಕೆ ವ್ಯಕ್ತವಾಗಿದೆ.
ಮೃತ ಶಹಾನಾ ಕನ್ನಡದ ‘ಲಾಕ್ಡೌನ್’ ಸಿನಿಮಾದಲ್ಲಿ ಕೂಡ ನಟಿಸಿದ್ದರು. ಸದ್ಯ ಲಾಕ್ಡೌನ್ ಸಿನಿಮಾದ ಶೂಟಿಂಗ್ ಪೂರ್ಣಗೊಂಡಿದೆ.

ಶಹಾನಾ ಆತ್ಮಹತ್ಯೆ ಹಿನ್ನೆಲೆಯಲ್ಲಿ ನಟಿಯ ತಾಯಿ ಶಹಾನಾ ಸಾವು ಹಿನ್ನೆಲೆ ಪತಿಯ ಮೇಲೆ ಗಂಭೀರ ಆರೋಪ ಮಾಡಿದ್ದು, ನನ್ನ ಮಗಳಿಗೆ ಆಕೆಯ ಗಂಡ ಹಿಂಸೆ ಕೊಡ್ತಿದ್ದ, ತುಂಬಾ ಸಲ ಬೆದರಿಕೆ ಸಹ ಹಾಕಿದ್ದ ಎಂದಿದ್ದಾರೆ. ಘಟನೆ ಸಂಬಂಧ ಪ್ರಕರಣ ದಾಖಲಿಸಿರೋ ಪೊಲೀಸರು ಶಹಾನಾ ಪತಿಯನ್ನು ಬಂಧನ ಮಾಡಿ ತನಿಖೆ ಮುಂದುವರಿಸಿದ್ದಾರೆ.