ಸುಬ್ರಹ್ಮಣ್ಯ: ರಾಜ್ಯದ ಮುಜರಾಯಿ ಇಲಾಖೆಯ ಅಧೀನದ ಪ್ರಸಿದ್ಧ ನಾಗಾರಾಧನಾ ಪುಣ್ಯಕ್ಷೇತ್ರ ಮಹತೋಭಾರ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನವು 2025-26ನೇ ಸಾಲಿನ ಆರ್ಥಿಕ ವರ್ಷದಲ್ಲಿ 167 ಕೋ.89 ಲಕ್ಷ 09 ಸಾವಿರ 080.77 ರೂ. ಆದಾಯ ಗಳಿಸಿದೆ.
2025ರ ಎಪ್ರಿಲ್ 1ರಿಂದ 2026ರ ಮಾರ್ಚ್ 31ರವರೆಗಿನ ಆರ್ಥಿಕ ವರ್ಷದಲ್ಲಿ ದೇವಸ್ಥಾನಕ್ಕೆ ಈ ಆದಾಯ ಲಭಿಸಿದೆ. ಇದರಲ್ಲಿ 85,20,14,531.42 ರೂ. ವೆಚ್ಚವಾಗಿದೆ. 2024-25ನೇ ಸಾಲಿನಲ್ಲಿ ದೇವಳವು 155 ಕೋ.95 ಲಕ್ಷ ರೂ. ಆದಾಯ ಗಳಿಸಿತ್ತು. ಈ ಬಾರಿ ಸುಮಾರು 12 ಕೋ.ರೂ. ಹೆಚ್ಚುವರಿ ಆದಾಯ ಬಂದಿದ್ದು, ಸತತ 15ನೇ ವರ್ಷವೂ ರಾಜ್ಯದ ನಂ.1 ಮುಜರಾಯಿ ದೇವಸ್ಥಾನ ಎಂಬ ಹೆಗ್ಗಳಿಕೆಯನ್ನು ಕುಕ್ಕೆ ದೇವಳ ಉಳಿಸಿಕೊಂಡಿದೆ.
ಹರಕೆ ಸೇವೆ, ಕಾಣಿಕೆ ಹುಂಡಿ, ಹೂಡಿಕೆ ಬಡ್ಡಿ, ಛತ್ರ ಹಾಗೂ ಕಟ್ಟಡಗಳ ಬಾಡಿಗೆ ಮತ್ತು ಕೃಷಿ ತೋಟಗಳು ದೇವಳದ ಪ್ರಮುಖ ಆದಾಯ ಮೂಲಗಳಾಗಿವೆ.
ಪ್ರಪ್ರಥಮ ಬಾರಿಗೆ 167 ಕೋ.ರೂ. ದಾಟಿದ ಆದಾಯ
ಗುತ್ತಿಗೆಗಳಿಂದ 2,53,09,230.00 ರೂ., ಧಾನ್ಯಗಳ ಇಳುವರಿ ಮತ್ತು ತೋಟದ ಉತ್ಪನ್ನಗಳಿಂದ 10,50,323.00 ರೂ., ಕಟ್ಟಡ ಮತ್ತು ಅಂಗಡಿಗಳ ಬಾಡಿಗೆಯಿಂದ 94,46,470.00 ರೂ., ಕಾಣಿಕೆಯಿಂದ 5,47,43,244.45 ರೂ., ಇ-ಹುಂಡಿಯಿಂದ 38,01,676.80 ರೂ., ಕಾಣಿಕೆ ಹುಂಡಿಯಿಂದ 24,69,63,576.00 ರೂ., ಹರಕೆ ಸೇವೆಗಳಿಂದ 64,08,90,940.51 ರೂ., ಅನುದಾನದಿಂದ 1,67,956.00 ರೂ., ಹೂಡಿಕೆ ಬಡ್ಡಿಯಿಂದ 49,11,07,412.00 ರೂ., ಉಳಿತಾಯ ಖಾತೆ ಹಾಗೂ ಇತರ ಬಡ್ಡಿಯಿಂದ 41,80,588.00 ರೂ., ಸ್ವೀಪ್ ವ್ಯವಹಾರದಿಂದ ಬಂದ ಬಡ್ಡಿಯಿಂದ 12,90,390.00 ರೂ., ಇತರ ಬಾಬ್ತುಗಳಿಂದ 3,20,31,937.00 ರೂ., ಛತ್ರ ಸಂರಕ್ಷಣಾ ವಂತಿಗೆಯಿಂದ 6,93,66,026.00 ರೂ., ಅನ್ನಸಂತರ್ಪಣೆ ನಿಧಿಯಿಂದ 9,14,71,606.01 ರೂ., ಅಭಿವೃದ್ಧಿ ನಿಧಿಯಿಂದ 14,17,284.00 ರೂ. ಹಾಗೂ ಶಾಶ್ವತ ಸೇವಾ ಮೂಲಧನದಿಂದ 56,70,421.00 ರೂ. ಆದಾಯ ಬಂದಿದೆ.
ಹೀಗೆ ಒಟ್ಟು 167,89,09,080.77 ರೂ. ಆದಾಯ ದೇವಳಕ್ಕೆ ಲಭಿಸಿದ್ದು, ಪ್ರಪ್ರಥಮ ಬಾರಿಗೆ 167 ಕೋ.ರೂ. ಗಡಿ ದಾಟಿದ ದಾಖಲೆ ನಿರ್ಮಾಣವಾಗಿದೆ.
ವರ್ಷದಿಂದ ವರ್ಷಕ್ಕೆ ಏರಿದ ಆದಾಯ
2006-07ರಲ್ಲಿ ದೇವಳದ ಆದಾಯ 19.76 ಕೋ.ರೂ. ಆಗಿತ್ತು. 2007-08ರಲ್ಲಿ 24.44 ಕೋ.ರೂ. ಆದಾಯ ದಾಖಲಾಗುವ ಮೂಲಕ ರಾಜ್ಯದ ಶ್ರೀಮಂತ ದೇವಸ್ಥಾನವಾಗಿ ಗುರುತಿಸಿಕೊಂಡಿತ್ತು.
2008-09ರಲ್ಲಿ 31 ಕೋ.ರೂ., 2009-10ರಲ್ಲಿ 38.51 ಕೋ.ರೂ., 2011-12ರಲ್ಲಿ 56.24 ಕೋ.ರೂ., 2012-13ರಲ್ಲಿ 66.76 ಕೋ.ರೂ., 2013-14ರಲ್ಲಿ 68 ಕೋ.ರೂ., 2014-15ರಲ್ಲಿ 77.60 ಕೋ.ರೂ., 2015-16ರಲ್ಲಿ 88.83 ಕೋ.ರೂ., 2016-17ರಲ್ಲಿ 89.65 ಕೋ.ರೂ., 2017-18ರಲ್ಲಿ 95.92 ಕೋ.ರೂ., 2018-19ರಲ್ಲಿ 92.09 ಕೋ.ರೂ., 2019-20ರಲ್ಲಿ 98.92 ಕೋ.ರೂ., 2020-21ರಲ್ಲಿ 68.94 ಕೋ.ರೂ., 2021-22ರಲ್ಲಿ 72.73 ಕೋ.ರೂ., 2022-23ರಲ್ಲಿ 123.64 ಕೋ.ರೂ., 2023-24ರಲ್ಲಿ 146.01 ಕೋ.ರೂ. ಹಾಗೂ 2024-25ರಲ್ಲಿ 155.95 ಕೋ.ರೂ. ಆದಾಯ ದಾಖಲಾಗಿತ್ತು.
