ಜೂನ್ 02 :- ಆಝಾದ್ ಲಯನ್ಸ್ ಹೆಲ್ಪ್ ಲೈನ್ ಮುಲ್ಲಾರಪಟ್ಟಣ ಇದರ ವತಿಯಿಂದ ಬ್ಲಡ್ ಡೋನರ್ಸ್ ಮಂಗಳೂರು(ರಿ) ಹಾಗೂ ಭಾರತೀಯ ರೆಡ್ ಕ್ರಾಸ್ ಬ್ಲಡ್ ಬ್ಯಾಂಕ್ ಮಂಗಳೂರು ಸಹಕಾರದೊಂದಿಗೆ ಬೃಹತ್ ರಕ್ತದಾನ ಶಿಬಿರವು ಬದ್ರುಲ್ ಹುದಾ ಮದ್ರಸ ಆಝಾದ್ ನಗರ ಮದ್ರಸ ಸಭಾಂಗಣದಲ್ಲಿ ನಡೆಯಿತು.
ರಕ್ತದಾನ ಶಿಬಿರದ ಸಭಾ ಕಾರ್ಯಕ್ರಮವನ್ನು ಬದ್ರುಲ್ ಹುದಾ ಮದ್ರಸ ಮುಅಲ್ಲಿಮ್ ಅಬ್ದುಲ್ ಖಾದರ್ ಉಸ್ತಾದ್ ದುವಾದ ಮೂಲಕ ಉದ್ಘಾಟಿಸಿದರು.ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಆಝಾದ್ ಲಯನ್ಸ್ ಹೆಲ್ಪ್ ಲೈನ್ ಅಧ್ಯಕ್ಷರಾದ ಅಶ್ರಫ್ ಆಝಾದ್ ನಗರ ವಹಿಸಿದ್ದರು.ಮುಖ್ಯ ವೇದಿಕೆಯಲ್ಲಿ GHM ಫೌಂಡೇಶನ್ ಇದರ ಅಧ್ಯಕ್ಷರಾದ ಎಂ ಎಸ್ ಸಾಲಿ, ಹಿರಿಯ ಕಬಡ್ಡಿ ಕ್ರೀಡಾಪಟು ಅಬ್ದುಲ್ ಜಬ್ಬಾರ್, ಗುತ್ತಿಗೆದಾರರಾದ ಇಸ್ಮಾಯಿಲ್ ಶಾಫಿ ಮುಲ್ಲಾರಪಟ್ಟಣ, ಬ್ಲಡ್ ಡೋನರ್ಸ್ ಮಂಗಳೂರು(ರಿ) ಕಾರ್ಯನಿರ್ವಾಹಕರಾಗಿರುವ ಹರ್ಷದ್ ಬಾಂಬಿಲ ಹಾಗೂ ಇಂಡಿಯನ್ ರೆಡ್ ಕ್ರಾಸ್ ಇದರ ಸಿಬ್ಬಂದಿ ರಾಜೇಶ್ ಉಪಸ್ಥಿತರಿದ್ದರು.
ಬದ್ರುಲ್ ಹುದಾ ಮದ್ರಸ ಮುಅಲ್ಲಿಮ್ ಖಲೀಲ್ ಇರ್ಫಾನಿ ರಕ್ತದಾನ ಮಾಡುವುದರೊಂದಿಗೆ ಶಿಬಿರವನ್ನು ಸಾಂಕೇತಿಕವಾಗಿ ಉದ್ಘಾಟಿಸಿದರು.
ಆಝಾದ್ ಲಯನ್ಸ್ ಹೆಲ್ಪ್ ಲೈನ್ ಕಾರ್ಯದರ್ಶಿ ಹಫೀಝ್, ಆಝಾದ್ ಲಯನ್ಸ್ ಹೆಲ್ಪ್ ಲೈನ್ ಇದರ ಮಾಜಿ ಅಧ್ಯಕ್ಷರಾದ ಶರೀಫ್ ದುನಿಯಾ, ಬ್ಲಡ್ ಡೋನರ್ಸ್ ಮಂಗಳೂರು(ರಿ) ಇದರ ಶಿಬಿರ ಉಸ್ತುವಾರಿಗಳಾಗಿರುವ ಫರ್ಜಾನ್ ಸಿದ್ದಕಟ್ಟೆ, ಬಿಡಿಎಂ ಯು ಎ ಇ ಕಾರ್ಯನಿರ್ವಾಹಕರಾಗಿರುವ ಸಾದಿಕ್ ಬನ್ನೂರು ಇವರು ಸಹಕರಿಸಿದರು. ಬದ್ರುಲ್ ಹುದಾ ಮದ್ರಸ ಆಝಾದ್ ನಗರ ಇದರ ಪ್ರಧಾನ ಕಾರ್ಯದರ್ಶಿ ಸಜುದ್ದಿನ್ ಆಝಾದ್ ನಗರ ಕಾರ್ಯಕ್ರಮ ನಿರೂಪಿಸಿದರು.
